Tejashri Pradhan New Serial News: तेजश्री प्रधान ही मनोरंजन विश्वातील लोकप्रिय अभिनेत्री. तेजश्रीला आपण आजवर अनेक मालिका आणि सिनेमांमधुन पाहिलंय.

तेजश्रीने होणार सुन मी या घरची मालिकेत साकारलेली जान्हवी असो किंवा अग्गंबाई सासुबाई मालिकेत साकारलेली शुभ्रा असो.

तेजश्रीच्या प्रत्येक भुमिकांमधुन चाहत्यांनी पसंत केलंय. आता तेजश्रीच्या चाहत्यांसाठी खुशखबर आहे. तेजश्री नव्या मालिकेतुन चाहत्यांच्या भेटीला येतेय.

(tejashri pradhan new marathi serial on star pravah)

तेजश्रीची नवी मालिका

तेजश्रीने स्टार प्रवाहच्या सोशल मिडीया पेजवरुन या नव्या मालिकेविषयी घोषणा केलीय. तेजश्री व्हिडीओ शेअर करुन म्हणते.. "आपली मराठी परंपरा, आपला मराठी प्रवाह. येस. बरोब्बर ओळखलं. मी येतेय आपल्या लाडक्या स्टार प्रवाहच्या नव्या कोऱ्या मालिकेतून. खास तुमच्या भेटीसाठी

आता मालिकेचं नाव, तारीख, वेळ काय ही सगळी उत्सुकता पूर्ण होणार आमच्या नव्या कोऱ्या मालिकेतून. पण त्यासाठी तुम्ही बघत राहा आपलं स्टार प्रवाह.. असा व्हिडीओ तेजश्रीने शेअर केलाय

हे आहे मालिकेचं नाव, वेळ?

तेजश्रीच्या या मालिकेचं नाव आणि वेळ काय आहे, याची अधिकृत माहिती मिळाली नाहीये. पण एका फॅनने केलेल्या कमेंटनुसार मराठी मिडीयम असं या मालिकेचं नाव आहे. याशिवाय २१ ऑगस्टपासुन रात्री ८ वाजता ही मालिका सुरु होणार आहे, असं या कमेंटवरुन समजतंय.

तेजश्रीने नव्या मालिकेची घोषणा करताच तिच्या चाहत्यांना खुप आनंद झालाय. तेजश्रीच्या या व्हिडीओखाली तिच्या फॅन्सनी कमेंट करुन उत्सुकता दर्शवली आहे.

याशिवाय तिचं अभिनंदन केलंय. एकुणच तेजश्री अग्गंबाई सासुबाई नंतर तेजश्री टी.व्ही. वर मोठ्या भुमिकेत कधी दिसणार याची चाहते वाट बघत होते. अखेर चाहत्यांची उत्सुकता पुर्ण होणार आहे.

नव्या मालिकेत ही अभिनेत्री तेजश्रीची सहकलाकार

तेजश्रीच्या नव्या मालिकेत तिच्यासोबत सहकलाकार कोण असणार, असा प्रश्न तुम्हाला पडला असेल तर आम्ही तुम्हाला सांगतो. स्टार प्रवाहने जो व्हिडीओ शेअर केलाय त्यानुसार तेजश्रीसोबत या मालिकेत अभिनेत्री शुभांगी गोखले झळकणार आहेत.

यानिमित्ताने तेजश्री आणि शुभांगी गोखले यांच्या अभिनयाची जुगलबंदी दिसणार आहे. तर लवकरच या मालिकेचा प्रोमो आणि इतर तपशील उघड होतीलच.