Thalapathy Vijay 68: सध्या मनोरंजन विश्वात साउथ स्टारची काही वेगळीच हवा आहे. मग तो प्रभास असो अल्लू अर्जून असो किंवा केजीएफचा रॉकी भाई मात्र या सर्वातच थलपथी विजयचे नाव आवर्जून घ्यावे लागते. त्याने आज त्याच्या उत्कृष्ट अभिनयामुळे प्रत्येकाच्या हृदयावर राज्य करतो. अ‍ॅक्शन, इमोशन, कॉमेडी आणि रोमान्स विजय प्रत्येक वेळी कमाल करतो. त्याच चित्रपट गाजतोच.

थलपथी विजय त्याच्या आगामी चित्रपटाबाबत बऱ्याच दिवसांपासून चर्चेत होता. त्याचे चाहते त्याला याबद्दल वारंवार विचारतही होते.

त्याच वेळी, आता सुपरस्टार विजयने रविवारी, 21 मे रोजी पोस्ट करून त्याच्या आगामी चित्रपटाची अधिकृत घोषणा केली आहे.

सुपरस्टार विजयच्या चित्रपटाचे नाव 'थलपति 68' (Thalapathy 68) आहे. ज्याचे निर्माते व्यंकट प्रभू आहेत. व्यंकट आणि थलपथी हे पहिल्यांदाचसोबत काम करणार आहेत.

त्यांच्या या प्रोजेक्टविषयी अधिकृत घोषणा करताना, थलपथी म्हणाला की, तो वेंकट प्रभू यांच्यासोबत त्यांचा पुढील प्रकल्प सुरू करणार आहेत.

निर्मात्याने जारी केलेल्या अधिकृत निवेदनात असे लिहिले आहे की, 'कास्ट आणि क्रू, शीर्षक घोषणा आणि अन्य अपडेट प्रोडक्शन टीमद्वारे अधिकृतपणे प्रसिद्ध केली जातील.'

कल्पना एस अघोराम यांच्या एजीएस एंटरटेनमेंटद्वारे थलपथी 68 ची निर्मिती करण्यात येणार आहे. त्याचं संगीत युवा शंकर यांनी दिलं आहे. युवानने त्याच्या ट्विटर हँडलवरून या चित्रपटाच्या घोषणाचा व्हिडिओही शेअर केला आहे.

तसेच कॅप्शनमध्ये लिहिले की, 'बर्‍याच दिवसांनी विजयसोबत जोडून मला खूप आनंद होत आहे.' 'थलापथी 68' हा AGS एंटरटेनमेंट द्वारे निर्मित 25 वा चित्रपट आहे आणि 2019 च्या ब्लॉकबस्टर 'बिगिल' नंतर प्रॉडक्शन हाऊसचा विजयसोबतचा दुसरा चित्रपट आहे.

थलपथी विजयच्या कामाबद्दल बोलायचं झालं तर सध्या 'लिओ'मध्ये व्यस्त आहे. लोकेश कनागराज दिग्दर्शित हा चित्रपट LCU युनिव्हर्सचा एक भाग आहे.

लिओमध्ये विजय व्यतिरिक्त त्रिशा, संजय दत्त, अर्जुन सर्जा, मायस्किन आणि गौतम वासुदेव मेनन मुख्य भूमिकेत आहेत. हा चित्रपट 19 ऑक्टोबरला प्रदर्शित होणार आहे.