The Kerala Story Box Office Collection: सध्या सर्वत्र चर्चा आहे ती विपुल अमृतलाल शाह यांच्या 'द केरल स्टोरी' या चित्रपटाची. विवेक अग्निहोत्री यांच्या 'द काश्मिर फाईल्स'नंतर हा चित्रपट सर्वाधिक चर्चेत आलेला सिनेमा आहे.

लव जिहादच्या नावाखाली महिलांचे होणारे शोषण आणि सद्यस्थिती सारख्या विषयाला चित्रपटातून वाचा फोडण्यात आली आहे. एका अत्यंत वेगळ्या विषयावरील मांडणी करत शाह यांनी हा चित्रपट प्रेक्षकांसमोर आणला आहे.

शुक्रवार ५ मे रोजी हा चित्रपट प्रदर्शित झाला. या चित्रपटाला बराच विरोधही झाला. एक गट या चित्रपटाच्या समर्थनार्थ ठाम उभा राहिला तर दुसरा गट या चित्रपटावर बहिष्कार टाकण्याची मागणी करत होता. पण अखेर हा चित्रपट प्रदर्शित झाला असून पहिल्याच दिवशी बॉक्स ऑफिसवर छप्पर फाड कमाई 'द केरला' स्टोरी'नं केली आहे.

(the kerala story box office collection day 1 latest update director Sudipto Sen)

या चित्रपटाचा ट्रेलर रिलीज झाल्यापासूनच वादाला सुरुवात झाल्याने प्रेक्षकांचा कसा प्रतिसाद कसा मिळेल याबाबत शंका होती. पण ते सर्व वाद आता मागे पडले आहेत. कारण सुदीप्तो सेन दिग्दर्शित 'द केरला स्टोरी'ने पहिल्या दिवशी किती कमावले याची आकडेवारी समोर आली आहे.

तुम्हाला आश्चर्य वाटेल पण पहिल्याच दिवशी ‘द केरला स्टोरी’ ने ७.५ कोटी कमावले आहेत. विशेष म्हणजे वीकएंड मध्ये हा चित्रपट अजून जोरदार कमाई करेल असा अंदाज अनेकांनी वर्तवला आहे. त्यामुळे आता या चित्रपटाकडे सर्वांचेच लक्ष लागले आहे.

का झाला विरोध?

या चित्रपटात केरळ मधील ३२ हजार महिलांचे धर्मांतर करून त्यांचे शोषण केल्याचे दाखवले आहे. परंतु हे दावे खोटे आहे असं म्हणत अनेक राजकीय पक्ष व धार्मिक संघटनांनी चित्रपटाच्या प्रदर्शनावर बंदी घालण्याची मागणीही केली होती. एवढेच नाही तर हे हा चित्रपट प्रदर्शित होऊ नये म्हणून न्यायालयात याचिका दाखल करण्यात आली होती. परंतु केरळ उच्च न्यायालयाने या चित्रपटाच्या प्रदर्शनाला स्थगिती देण्यास नकार दिला.