The Kerala Story Supreme Court stays the May 8 order : सुदीप्तो सेन दिग्दर्शित द केरळ स्टोरीला देशातील दोन राज्यांमध्ये बंदी घालण्यात आली होती. त्यांच्या स्क्रिनिंगला विरोध करण्यात आला होता. यामध्ये पश्चिम बंगाल आणि तामिळनाडू या राज्यांचा समावेश होता. अखेर सुप्रीम कोर्टानं दिलेल्या निर्णयानुसार पश्चिम बंगालमध्ये द केरळ स्टोरी प्रदर्शित होण्याचा मार्ग मोकळा झाला आहे.

पश्चिम बंगाल सरकारकडून केरळ स्टोरीच्या प्रदर्शनावर बंदी घालण्यात आली होती. त्याविरोधात मेकर्सनं सर्वोच्च न्यायालयात धावही घेतली होती. अखेर पश्चिम बंगालच्या त्या याचिकेवर कोर्टानं स्थगिती दिल्यानं पश्चिम बंगालमध्ये द केरळ स्टोरी प्रदर्शित होण्याचा मार्ग मोकळा झाला आहे.

गेल्या काही दिवसांपासून द केरळ स्टोरीनं अनेकांचे लक्ष वेधून घेतले आहे. त्यावरुन वेगवेगळ्या चर्चेला उधाणही आले होते. हा चित्रपट एका समुहावर, धर्मावर टीका करतो असा त्याचा प्रचार करण्यात आला. यामुळे चित्रपटातील कलावंतांनी त्याविरोधात मुलाखतींमध्ये ज्यांनी टीका केली त्याविषयी प्रतिक्रिया दिली आहे.

सुप्रीम कोर्टानं यापूर्वी तामिळनाडू आणि पश्चिम बंगालला तुम्ही द केरळ स्टोरीवर बंदी का घातली असा प्रश्न विचारला होता. त्यांच्याकडून लेखी उत्तरही मागवले होते. यात तामिळनाडू सरकारनं हा चित्रपट पाहण्यासाठी थिएटरमध्ये गर्दीच नसल्यानं आपण हा चित्रपट सुरु ठेवला नाही. असे म्हटले होते.