Tiger 3 Event Video News: सलमान खान - कतरिना कैफ यांच्या टायगर 3 सिनेमाची उत्सुकता आहे. सलमान - कतरिनाच्या टायगर 3 च्या आगाऊ बुकींगला जोरदार प्रतिसाद मिळत आहे. टायगर 3 निमित्ताने सलमान - कतरिना अनेक वर्षांनी मोठ्या पडद्यावर पुन्हा एकदा झळकणार आहेत.

टायगर 3 निमित्ताने मुंबईत एका इव्हेंटचं आयोजन करण्यात आलं होतं. त्यावेळी प्रेक्षकांमध्ये उपस्थित असलेल्या एका छोट्या मुलीने कतरिनासमोर डान्स केला. त्यावेळी कतरिनाची प्रतिक्रिया बघण्यासारखी आहे.

छोट्या फॅन्स सलमान - कतरिनासोबत नाचल्या

सलमान खान आणि कतरिना कैफ यांनी अलीकडेच 'टायगर 3' साठी मुंबईत एका फॅन मीटला हजेरी लावली. या फॅन इव्हेंटमधला एक व्हिडीओ सोशल मीडियावर व्हायरल झालाय.

या व्हिडीओत टायगर 3 मधलं गाणं वाजवण्यात येतं. हे गाणं वाजताच खाली एक लहान मुलगी बिनधास्त नाचते. आणि त्या लहान मुलगी सोबत आणखी एक मुलगी स्टेजवर येते.

या दोन्ही छोट्या फॅन्स सलमान - कतरिनासमोर सुंदर नाचतात. या दोघीही 'टायगर 3'च्या गाण्यांवर थिरकत होते.

अशी होती कतरिनाची प्रतिक्रिया

या मुली नाचत अचानक स्टेजवर आल्याने कतरिना - सलमानला सरप्राईज मिळालं. कतरिना कौतुकाने या मुलींकडे पाहत होती. या दोघींनी डान्स केल्यावर सलमान - कतरिनाने त्यांना मिठी मारली.

सलमान - कतरिनाने या फॅन मीट इव्हेंटमध्ये खुप एन्जॉय केलं. दोघांनीही फॅन्सच्या शुभेच्छांचा स्वीकार केला. आणि सर्वांना 'टायगर 3' पाहण्याचं आवाहन केलं.

टायगर 3 प्रेक्षकांसाठी पर्वणी असणार यात शंका नाही. YRF टायगर 3 हा YRF स्पाय युनिव्हर्स आजवरचा सर्वात भव्यदिव्य सिनेमा असणार यात शंका नाहीय.

टायगर 3 हिंदीसोबतच तमिळ डब आणि तेलुगु डब आवृत्त्यांमध्ये प्रदर्शित होईल. टायगर 3 सिनेमा १२ नोव्हेंबरला प्रेक्षकांच्या भेटीला येणार आहे.