यंदाच्या ऑस्कर 2022 साठी भारताचे दोन चित्रपट निवडले गेले आहेत. यामध्ये एसएस राजामौली यांच्या 'आरआरआर' या चित्रपटासोबतच गुजराती चित्रपट 'छेल्लो शो' म्हणजेच 'लास्ट फिल्म शो' आहे.
आरआरआर या चित्रपटाला ऑस्करच्या 'सर्वोत्कृष्ट फीचर फिल्म' श्रेणीत नामांकनासाठी पाठवण्यात आला होता, पण काही कारणास्तव तो निवडला गेला नाही. त्यानंतर, निर्मात्यांनी RRR ला 14 श्रेणींमध्ये नामांकनासाठी पाठवला.
आपल्या चित्रपटाला ऑस्करमध्ये प्रवेश मिळावा यासाठी राजामौली यांनी खूप मेहनत घेतली होती. आता शेवटी RRR ची 95 व्या अकादमी पुरस्कारांसाठी निवड झाली आहे. बुधवारी 10 ऑस्कर श्रेणींसाठी चित्रपटांची शॉर्टलिस्ट जाहीर करण्यात आली. तर 'RRR' चित्रपटातील 'नातू नातू' या गाण्याने संगीत विभागात स्वतःचे स्थान निर्माण केले आहे.
ज्यामध्ये डॉक्युमेंटरी आणि इंटरनॅशनल फीचर्स, डॉक्युमेंटरी शॉर्ट सब्जेक्ट्स, ओरिजिनल स्कोअर यांचाही समावेश आहे. महत्वाची बातमी म्हणजे 'छेल्लो शो' (द लास्ट फिल्म शो), ऑस्करसाठी भारताने पाठवलेल्या चित्रपटाला 'आंतरराष्ट्रीय फीचर फिल्म' श्रेणीमध्ये समाविष्ट करण्यात आली आहे.
'RRR'च्या निर्मात्यांनी चित्रपट सादर केलेल्या 14 श्रेणींमध्ये पटकथा, स्कोअर, एडिटिंग, ध्वनी, सर्वोत्कृष्ट सहाय्यक अभिनेता, सर्वोत्कृष्ट दिग्दर्शक आणि एडिटिंग यांचा समावेश असल्याची माहिती आहे.
ऑस्करसाठी नामांकन मतदान 12 ते 17 जानेवारी दरम्यान होणार आहे. त्यानंतर 24 जानेवारीला उमेदवारी यादी जाहीर होणार आहे. 12 मार्च रोजी हॉलिवूडमधील डॉल्बी थिएटरमध्ये 95 वा ऑस्कर सोहळा होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.