मराठी मालिकांमध्ये चांगलीच चुरस रंगली असून अनेक मालिका सोशल मीडियावर चर्चेत आहेत. नवनवीन ट्विस्ट, कलाकारांची एंट्री यांमुळे प्रेक्षकांना खिळवून ठेवण्यास या मालिका यशस्वी ठरतायत. गेल्या आठवड्यात टीआरपीमध्ये (TRP) टॉप १० असणाऱ्या मराठी मालिकांची यादी समोर आली आहे. यामध्ये 'आई कुठे काय करते' (Aai Kuthe Kay Karte) ही सर्वांत लोकप्रिय मालिका पहिल्या क्रमांकावरून दुसऱ्या क्रमांकावर गेली आहे. बिग बॉस मराठी ३च्या ग्रँड फिनालेनं पहिलं स्थान पटकावलंय.

टॉप १० मालिका कोणत्या-

१- बिग बॉस मराठी ३

२- आई कुठे काय करते

३- माझी तुझी रेशीमगाठ

४- रंग माझा वेगळा

५- ठिपक्यांची रांगोळी

६- देवमाणूस २

७- सुख म्हणजे नक्की काय असतं

८- स्वाभिमान

९- फुलाला सुगंध मातीचा

१०- येऊ कशी तशी मी नांदायला

टीआरपीच्या यादीत सतत वर असलेली 'आई कुठे काय करते' ही मालिका आता दुसऱ्या स्थानावर येऊन पोहोचली आहे. मालिकेत झालेल्या नव्या कलाकाराच्या एण्ट्रीचा विशेष फायदा टीआरपीला झालेला दिसत नाही. 'सुख म्हणजे नक्की काय असतं' ही मालिकासुद्धा सातव्या क्रमांकावर पोहोचली आहे. तर माझी तुझी रेशीमगाठ आणि रंग माझा वेगळा या मालिकांनी आपलं स्थान अबाधित राखलंय. पहिल्या पाच मालिकांमध्ये 'ठिपक्यांची रांगोळी' या मालिकेने स्थान मिळवलंय.