Ranbir Kapoor: बॉलीवूड अभिनेता रणबीर कपूर सध्या त्याच्या आगामी 'तू झूठी मै मक्कार' सिनेमाच्या प्रमोशनमध्ये भलताच बिझी आहे. अभिनेत्यानं प्रमोशन निमित्तानं दिलेल्या एका मुलाखतीत दावा केला आहे की त्यांनी स्क्रिप्टशिवायच 'तू झूठी मै मक्कार' सिनेमाचं शूटिंग केलं आहे.

अभिनेत्यानं हे देखील सांगितलं आहे की, 'ब्रह्मास्त्र 2', 'एनिमल' व्यतिरिक्त त्याच्याकडे सध्या कोणताही सिनेमा नाही. (Tu Jhoothi Main Makkaar movie Shot Without Script)

मीडियाशी केलेल्या संवादा दरम्यान रणबीर कपूर म्हणाला-''जेव्हा तुम्ही रोमकॉम जॉनरच्या सिनेमात काम करता तेव्हा तुम्हाला वाटतं की हे खूप सोपं असेल. पण या सिनेमाचा प्रत्येक सीन आणि गाणं करताना मला खूप मेहनत घ्यावी लागली होती. सिनेमाचं शूटिंग तसं पाहिलं तर १२० दिवसांत पूर्ण होतं. पण आम्ही हा सिनेमा १८० दिवसांत पूर्ण केला..ते सुद्धा स्क्रिप्टशिवाय..''

हेही वाचा: तुमच्याकडं कागदी स्वरुपातले शेअर आहेत? मग हे वाचाच....

न्यूज १८ ला दिलेल्या मुलाखतीत रणबीर म्हणाला-''मी अद्याप कोणताही नवीन सिनेमा साइन केलेला नाही. पण आशा आहे येणाऱ्या दिवसांत मी एखादी नवी स्क्रिप्ट ऐकेन. मला कशाची घाई नाहीय सध्या. मला माझ्या मुलीसोबत वेळ घालवायचा आहे''.

''जर आणखी एक वर्ष देखील मला काम मिळालं नाहा तरी मी खूश राहीन. पण हो..सध्या माझ्याकडे 'ब्रह्मास्त्र २' आणि 'एनिमल' शिवाय दुसरा कोणताही सिनेमा नाही''.