Twinkle Khanna Will Honor By London University: बॉलिवूड अभिनेत्री ट्विंकल खन्ना ही नेहमी कोणत्या ना कोणत्या कारणाने चर्चेत असते. ती आता जरी मोठ्या पडद्यापासून दूर असली तरी सोशल मिडियावर तिची चर्चा रंगतेच. कधी काळी मोठा पडदा गाजवणारी ट्विंकल ही आता वेगळ्याच कारणाने चर्चेत आली आहे.

काही दिवसांपुर्वी ट्विंकलने ती मास्टर्स करायला लंडनला गेल्याचे एका पोस्टमधून चाहत्यांना सांगितले होते. आता नुकतच ट्विंकलने तिचा मित्र आणि चित्रपट निर्माता करण जोहरबद्दल असं काही वक्तव्य केलं की ज्याची सर्वत्र चर्चा रंगली आहे.

ट्विंकलने सोशल मिडियावर एक पोस्ट शेयर केली आहे ज्यात तिने लंडन विद्यापीठातून पदव्युत्तर पदवी पूर्ण केल्याबद्दल आणि कवानाघ पुरस्कार प्राप्त केल्याची माहिती चाहत्यांना दिली आहे.

या पोस्टच्या कॅप्शनमध्ये ट्विंकलने लिहिले की, “एक मोठा क्षण, आणि सुरुवातीला मला ते सर्वांना सांगायला थोडी लाज वाटत होती. पण हा क्षण दाखवतो की वय ही खरोखर फक्त एक संख्या आहे.

जी तुमची उद्दिष्टे साध्य करण्यासाठी तुमच्या मार्गात कधीच अडथळा आणत नाही. मला माझ्या फायनल प्रबंधासाठी पदवी मिळाली आहे. आता लंडन विद्यापीठाच्या गोल्डस्मिथ्सने पॅट कावनाघ पुरस्कारासाठी निवडले आहे.

यानिमित्ताने मी सांगू इच्छितो की, कदाचित माझ्या जुन्या मित्राने 'स्टुडंट ऑफ द इयर'मध्ये चुकीच्या कलाकारांना कास्ट केले असावं.

या पोस्टमध्ये तिने एक पत्रही शेअर केले आहे, ज्यात असे म्हटले आहे की तिचा पोर्टफोलिओ पॅट कवानाघ पुरस्कारासाठी निवडला गेला आहे, जो गोल्डस्मिथ्सच्या एमए इन क्रिएटिव्ह आणि लाइफ रायटिंग प्रोग्राममधील सर्वोत्कृष्ट कामासाठी दरवर्षी दिला जातो.

आता ट्विंकलची ही पोस्ट सोशल मिडियावर व्हायरल झाली आहे. अनेक कलाकारांनी तिच्यावर अभिनंदनाचा वर्षाव केला आहे.

तर ट्विंकल खन्नाचा पती अभिनेता अक्षय कुमारने देखील आपल्या पत्नीचे अभिनंदन करत प्रतिक्रिया दिली आहे.