Urfi Javed Entertainment celebrity fashion : मनोरंजन विश्वामध्ये नेहमीच हटके गोष्टी करुन प्रसिद्धीच्या झोतात राहणाऱ्यांची संख्या काही कमी नाही. मात्र याला काही सेलिब्रेटी अपवाद आहेत. त्यात उर्फीची गोष्टच वेगळी आहे. तिनं काहीही केलं तरी ती चर्चेत येते. देशातील फॅशन क्षेत्रातील निराळी सेलिब्रेटी म्हणून तिनं तिची ओळख निर्माण केली आहे.

उर्फीला जी फॅशन योग्य वाटते ते ती बिनधास्तपणे करते. आणि आपण केलेली फॅशन नेटकऱ्यांनी पाहावी यासाठी ते व्हिडिओ किंवा फोटो सोशल मीडियावर पोस्टही करते. आता कित्येकांनी तिच्यावर सडकून टीकाही केली आहे. तिला खूप काही सुनावलेही आहे. पण ऐकेल ती उर्फी कसली, आपल्याला जे वाटतं ते केल्याशिवाय शांत बसायचं नाही असा उर्फीचा स्वभाव आहे.

फॅशन विश्वात उर्फीचं नाव फारच वेगळ्या प्रकारे घेतले जाते. उर्फीनं तिच्या घरातील वेगवेगळ्या वस्तूंची फॅशन करुन नेटकऱ्यांचे लक्ष वेधून घेतले आहे. त्यावर तिला आलेल्या कमेंटसही भन्नाट आहेत. कधी घरातील ग्लास, तर कधी चमचा तर कधी धागे दोरे यांच्या मदतीनं तिनं केलेला ड्रेस हा जोरदार चर्चेचा आणि कमेंटचा विषय ठरला आहे.

आता उर्फीचा एक वेगळाच व्हिडिओ समोर आला आहे. त्यात तिनं शाळकरी मुलीचा ड्रेस परिधान केल्याचे दिसून आले आहे. मात्र तिनं तिच्या स्टाईलनं तो परिधान केला आहे. त्यामुळे ती चर्चेत आली आहे. त्यावर नेटकऱ्यांनी नेहमीप्रमाणे तिची कानउघाडणी केली आहे. तिच्यावर टीकाही केली आहे. पण काहींनी मात्र तू देशातील एक क्रिएटिव्ह फॅशन सेन्स असलेली सेलिब्रेटी आहे असेही म्हटले आहे.

यापूर्वी वेगवेगळ्या फॅशन सेन्समुळे उर्फी वादाच्या भोवऱ्यात सापडली होती. त्यामुळे तिला काही राजकीय पक्षांच्या नेत्यांकडून देखील विरोधाला सामोरं जावं लागलं होतं. पण त्या महिला नेत्यांना उर्फीनं तिच्या अंदाजात उत्तर देऊन गप्पगार केल्याचे दिसून आले होते. ते प्रकरण महिला आयोगापर्यत जाऊन पोहचले होते. त्यात कित्येक नेटकऱ्यांनी उर्फीला सपोर्ट केल्याचे दिसून आले होते.

उर्फीच्या नव्या व्हिडिओचं तिच्या चाहत्यांनी स्वागत केलं आहे. काहींनी तिला म्हटलं आहे की, तू नेहमीच वेगवेगळ्या प्रकारे फॅशन करुन आम्हाला प्रतिक्रिया देण्यास भाग पाडले आहे. तुझ्या फॅशन सेन्सचे कौतुक करावे तेवढे कमीच आहे. अशा प्रतिक्रिया समोर आल्या आहेत.