MC Stan Urfi Javed News : बिग बॉसचा यंदाचा विजेता म्हणून गौरवलेल्या एमसी स्टॅनचं सोशल मीडियावर अजुनही कौतूक होताना दिसतंय. शिव ठाकरे आणि एमसी स्टॅन यांच्यात तीव्र स्पर्धा होती. अनेकांनी शिव हाच विजेता होणार अशी सोशल मीडियावर चर्चा होती. सलमाननं एमसी स्टॅनचा हात उंचावत त्याच्या नावाची घोषणा केली आणि सगळीकडे एमसी स्टॅनच्या नावाचा जयघोष सुरु झाला.

पी टाऊनमधील बेबी एमसी स्टॅन हा भारतामध्ये प्रसिद्ध रॅपर आहे. त्याची लोकप्रियता मोठी आहे. आपल्या हटक्या शैलीमुळे, बोलण्यामुळे आणि विक्षिप्त वागण्यामुळे देखील एमसी स्टॅन चर्चेत असतो. तरुणाईवर त्याचा प्रभाव प्रचंड आहे. यासगळ्यात टीव्ही मनोरंजन क्षेत्रातील वादग्रस्त नाव उर्फीनं एमसी स्टॅनचं कौतूक केल आहे. तिनं त्याच्याविषयी दिलेली प्रतिक्रिया चर्चेत आली आहे.

Also Read - स्टाॅक मार्केटमधलं ट्रेडर बनायचंय..मग ही पथ्यं पाळाच...

उर्फीनं थेट आता एमसी स्टॅनविषयी प्रेमाची भावना व्यक्त केली आहे. मला तो खूप आवडतो आणि माझं त्याच्यावर खूप प्रेम आहे. अशा शब्दांत उर्फीनं एमसी स्टॅनवर प्रेमाचा वर्षाव केला आहे. मला जेव्हा एमसी स्टॅननं बिग बॉसमध्ये इंट्री केली तेव्हापासून असे वाटत होते की, त्यानं हा शो जिंकावा. आणि तसे झालेही. त्याच्या विजयानं मला खूप आनंद झाला आहे.

उर्फीच्या लोकप्रियतेविषयी काही वेगळं सांगण्याची गरज नाही. टीव्ही मनोरंजन क्षेत्रातील सर्वाधिक चर्चेत राहणारं नाव म्हणून उर्फीचं नाव घ्यावं लागेल. काही दिवसांपूर्वी भाजपच्या नेत्या चित्रा वाघ आणि उर्फी यांच्यातील वाद चांगलाच चर्चेत आला होता. त्यांना जशास तसं उत्तर देऊन उर्फीनं नेटकऱ्यांचे लक्ष वेधून घेतले होते.

तूला एमसी स्टॅनसोबत काम करायला आवडेल का असा प्रश्न विचारल्यानंतर उर्फीनं जे उत्तर दिलं ते तिच्या चाहत्यांना आवडलं आहे.ती म्हणाली, माझी तयारी आहे. पण आता एमसी स्टॅन हा आता मोठा माणूस झाला आहे. तो मनानं खूप चांगला आहे. त्याला खूप खूप शुभेच्छा...उर्फीनं म्हटले आहे.