गेल्या काही दिवसांपासून अभिनेत्री उर्फी जावेद चांगलीच चर्चेत आली आहे. दिवसेंदिवस भाजप नेत्या चित्रा वाघ आणि उर्फी यांच्यातील वाद चिघळत चालला आहे. काल रात्रीच उर्फीनं अंडरवेअरच उदहारण देऊन चित्रा वाघ यांना डिवचलं होतं. त्याला आता एक दिवसही उलटून गेला नाही तोवरच उर्फीने पुन्हा एक ट्विट केलं आहे. तिने पुन्हा एकदा सासू असा उल्लेख करून चित्रा वाघ यांना आव्हान दिलं आहे.

(Urfi Javed tweet on chitra wagh said chitra tai meri khaas hai )

आपल्या तऱ्हेवाईक फॅशनमुळे नेहमीच चर्चेत असणारी उर्फी आणि भाजपच्या चित्रा वाघ यांच्यातील वाद काही थांबण्याचे नाव घ्यायला तयार नाही. गेल्या दोन आठवड्यांपासून चित्रा वाघ आणि उर्फी यांच्यातील तू तू मैं मैं सोशल मीडियावर चांगलेच चर्चेत आले आहे.

उर्फीनं तिच्या सोशल मीडिया अकाउंटवरुन चित्रा वाघ यांच्याविरोधात वेगवेगळ्या प्रकारच्या प्रतिक्रिया दिल्या आहेत. गेल्या वेळेस तिनं आपल्या फोटोंच्या माध्यमातून वाघ यांना उत्तर दिले होते. त्यानंतर तिनं चित्रा वाघ यांचा एकेरी उल्लेख करत त्यांना चित्रू असे म्हटले होते. आताही उर्फीचं ट्विट आणि तिचं इंस्टा नेटकऱ्यांचे लक्ष वेधून घेत आहे.

दोन दिवसांपूर्वीच इंस्टावर बायो अपडेट करताना उर्फीनं चित्रा वाघ यांचा उल्लेख सासूबाई असा केला होता. यापूर्वी तिनं ट्विटवर देखील असेच म्हटले होते. आता पुन्हा एकदा तिने चित्रा वाघ यांच्या नावाने दोन ओली ट्विट केल्या आहेत. ' चित्रा ताई मेरी खास आहे.. फ्यूचर मे होनेवाली सास है.. ' असं म्हणत तिने पुन्हा चित्रा वाघ यांची खोड काढली आहे.

चित्रा वाघ यांनी उर्फीच्या कपड्यांवरून तिला टार्गेट केले होते. जी काही फॅशन करायची ती घरात करायची सार्वजनिक ठिकाणी आपला पेहराव हा योग्यच हवा. अशी वाघ यांची भूमिका आहे. त्यासाठी त्यांनी उर्फीला इशारा दिला. मात्र त्या दोघींमधील वाद हा आणखीनच वाढत चालल्याचे दिसून आले आहे.