Vaibhavi Upadhyaya Death: 'साराभाई व्हर्सेस साराभाई' फेम वैभवी उपाध्याय हिचा 23 मे रोजी अपघाती मृत्यू झाला. तिनं लहान वयातच जगाचा निरोप घेतल्याने त्यांच्या कुटुंबीयांमध्ये आणि मित्रपरिवारात शोककळा पसरली आहे.

वैभवी तिच्या प्रियकरासोबत त्यांच्या फॉर्च्युनर कारमधून हिमाचल प्रदेशातील तीर्थन व्हॅलीला जाणार होती. त्याचवेळी बंजारजवळील सिधवा येथे त्यांचे वाहनावरील नियंत्रण सुटल्यानं वाहन 50 फूट खोल दरीत कोसळली आणि वैभवीवर काळानं घाला घातला.

तिच्या मृत्यूनं सोशल मीडियावरील चाहते अजूनही सावरलेले नाहीत. आता हिमाचलमधील कुल्ली पोलिसांनी या भीषण कार अपघाताची पुर्ण माहिती दिली आहे.

अपघातानंतर वैभवी तिचा जीव वाचवण्यासाठी धडपडत असल्याचं त्यांनी सांगितलं. तिने सर्वतोपरी प्रयत्न केले पण डोक्याला गंभीर दुखापत झाल्यानं ती वाचू शकली नाही अन् तिला जीव गमवावा लागला असंही त्यांनी सांगितलं.

कुल्लूचे पोलीस अधीक्षक साक्षी वर्मा यांनी सांगितले की वैभवी कार अपघातातून कशी वाचण्यासाठी शर्तीचे प्रयत्न करत होती. वैभवी कारच्या खिडकीतून बाहेर पडण्याचा प्रयत्न करत होती, परंतु ती तसं करू शकली नाही आणि तिचा जागीच मृत्यू झाला.

एसपींनी आपल्या निवेदनात म्हटले आहे- "वैभवीला कारच्या खिडकीतून बाहेर पडायचं होतं, परंतु तिच्या डोक्याला दुखापत झाली, जी प्राणघातक ठरली." तिला बंजार येथील सिव्हिल हॉस्पिटलमध्ये नेले असता डॉक्टरांनी त्याला मृत घोषित करण्यात आले. यात तिचा प्रियकरही जखमी झाला आहे.

कामातून सुट्टी घेऊन वैभवी आणि तिचा प्रियकर दोघे हिमाचलला फिरायला गेले. कुल्लूच्या बंजार भागातील सिधवानजवळ एका कार अपघातात तिचा मृत्यू झाला. वैभवीच्या कारला ट्रकने धडक दिली. वैभवीने सीट बेल्ट घातला नसल्याने डोक्याला मार लागल्याने व जास्त रक्तस्त्राव झाल्याने तिचा जागीच मृत्यू झाला.

जस्मिनच्या भूमिकेतुन घराघरात पोहचलेल्या वैभवीने यावर्षी 14 फेब्रुवारीला व्हॅलेंटाईन डेच्या मुहूर्तावर वैभवीने जय गांधींसोबत एंगेजमेंट केली होती. डिसेंबरमध्ये दोघांचे लग्न होणार होते. 24 मे ला बोरवलीत तिच्यावर अंत्य संस्कार करण्यात आले.