Vanita Kharat News: 'महाराष्ट्राची हास्यजत्रा' फेम वनिता खरात ही कायम चर्चेत असलेली अभिनेत्री आहे. महाराष्ट्राची हास्यजत्रा फेम वनिता खरातचं काहीच दिवसांपूर्वी लग्न झालं. वनिताने तिचा बॉयफ्रेंड सुमित लोंढे सोबत लग्न केलं.

वनिताच्या लग्नाला महाराष्ट्राची हास्यजत्रातील सर्व कलाकार उपस्थित होते. वनिता लग्नानंतर पहिला गुढीपाडवा साजरा करणार आहे. त्यानिमित्ताने वनिताने एक खास संकल्प केलाय.

वनिताने सकाळशी बोलताना हा खुलासा केलाय. वनिताने लग्नानंतरच्या पहिल्या गुढीपाडव्याला खुलासा केला कि.. येणाऱ्या वर्षात खूप काम करायचंय. आणि खास करून खूप झाडे लावायची आहेत. नवीन वर्षात माझा एक नवीन सिनेमा आहे.

त्याची माहिती मी सोशल मीडियावरून प्रेक्षकांना देईनच. आणि त्याचसोबत एक नवीन नाटक सुद्धा प्लॅन करायचा विचार आहे.. असा खुलासा वनिताने केलाय.

रोहित शेट्टीच्या पहिल्या मराठी सिनेमात म्हणजेच स्कुल, कॉलेज आणि लाईफ सिनेमात वनिता खरात झळकणार आहे. या सिनेमाचा ट्रेलर नुकताच प्रेक्षकांच्या भेटीला आला.

याशिवाय जानेवारी महिन्यात प्रदर्शित झालेल्या सरला एक कोटी सिनेमात वनिता खरात झळकली. लग्नानंतरचा पहिला गुढीपाडवा साजरा करण्यासाठी वनिता खरात उत्सुक आहे.

महाराष्ट्राची हास्यजत्रा फेम अभिनेत्री वनिता खरात काल २ फेब्रुवारीला लग्नबंधनात अडकली. वनिता खरातने एकदम थाटामाटात नातेवाईक आणि मित्रमैत्रिणींच्या उपस्थितीत लग्न केलं.

हास्यजत्रातील पृथ्वीक प्रताप आणि नम्रताचा नवरा योगेश संभेराव यांनी वनिताला लग्नात उचललं होतं. वनिताने एकदम झक्कास पद्धतीने सुमीतच्या गळ्यात वरमाला घातली.

पण वनिताचा सहकलाकार आणि तिचा खास मित्र ओंकार भोजने मात्र गैरहजर होता. अनेकांना वाटलं ओंकारने हास्यजत्रा सोडल्याने वनिताने रागात त्याला बोलावलं नाही. पण लग्नानंतर ओंकार वनिताला भेटायला तिच्या घरी गेला.

वनिता खरात अभिनेत्री आहे हे सर्वांना माहीतच आहे.. पण वनिताचा सुमित काय करतो? सुमित हा आधी इव्हेंट मॅनेजमेंट करायचा.

याशिवाय सध्या तो डिजिटल सर्व्हिस प्रोव्हायडरचं काम करतो. थिएट्रिकल या संस्थेचा तो फाउंडर आणि सी.ई.ओ आहे. लॉकडाऊनमध्ये सुमित आणि वनिताची प्यारवाली लव्हस्टोरी जुळली.