Happy Birthday Vidya Balan सौंदर्याने आणि आपल्या दमदार अभिनयानं मनोरंजन विश्वात वेगळी ओखख निर्माण करणारी अभिनेत्री म्हणजे विद्या बालन. तिने अनेक उत्तमोत्तम चित्रपट दिले आहेत. वेगळ्या धाटणीच्या भूमिकांसाठी ती ओळखली जाते. आजही तिच्या भूमिका सर्वांच्या लक्षात राहतात.

ती बऱ्याच दिवसांपासून चित्रपट जगतापासून दूर होती. मात्र ती सोशल मिडियावर तुफान सक्रिय असते. ती शेवटची 'नियत' या चित्रपटात दिसली होती. आज विद्या तिचा 45 वा वाढिदवस साजरा करत आहे. यानिमित्त तिने सांगितलेला एक किस्सा आपण जाणून घेऊया.

तिने एका मुलाखतीत सांगतिलं की, तिने कसे एकदा डेयर करण्यासाठी तिने मुंबईतील एका पंचतारांकित हॉटेलबाहेर भिकारी असल्याचे नाटक केले होते.

तिने असे का केले यामागचे कारणही खूपच विचित्र आहे. तिने हे फक्त जिम-जॅम बिस्किटांसाठी हे काम केलं होते.

Mashable ला दिलेल्या मुलाखतीत विद्या म्हणाली की , " आमचा IMG म्हणजेच इंडियन म्यूजिक ग्रुप नावाचा गुप्र होता. ते दरवर्षी शास्त्रीय संगीताचे कार्यक्रम आणि भारतीय शास्त्रीय संगीताचे कार्यक्रम आयोजित करायचे.

हा तीन दिवसांचा शो असायचा जो रात्रभर चालायचा. तो खुप अप्रतिम असायचा. मी त्यात आयोजन समितीत स्वयंसेवक होते.

आम्ही सर्व कार्यक्रम व्यवस्थित व्हावा यासाठीमदत करायचो आणि मग रात्री कार्यक्रम संपला की आम्ही सर्वजण नरिमन पॉइंटकडे फिरायला जायचो."

विद्या बालन पुढे म्हणाली, “एकदा मला चॅलेंज देण्यात आले होते. त्यांनी मला Oberoi- The Palms येथील कॉफी शॉपमध्ये जाऊन दरवाजा ठोठावण्यास सांगितले आणि काहीतरी खाण्यासाठी मागायला लावले.

मी अभिनेत्री होते हे त्यांना माहीत नव्हते. मी दार ठोठावत राहिले. तेव्हा सगळे माझी छेड काढू लागले. मी खूप वेळ दरवाजा ठोकला.

मी म्हणाले की प्लीज, मला भूक लागली आहे. कालपासून मी काहीच खाल्ले नाही. यानंतर माझा मित्र खजील झाला आणि त्याने मला यायला सांगितले. जरी मी पैज जिंकली."

जिम जॅम बिस्किटावर तिचं किती प्रेम होत. हे देखील तिने सांगितलं. विद्या म्हणाली- “ते चॅलेंज जिम जॅम बिस्किटसाठी होते. त्या मैफिलीसाठी आमचा प्रायोजक ब्रिटानिया होता आणि आमच्याकडे भरपूर बिस्किटे होती. पण मी म्हणाले होते की मी जिंकले तर मला जिम जॅमचे आणखी एक पॅकेट मिळेल आणि मी तसं केलं.

अशाप्रकरे फक्त जिम जॅम बिस्किटाचे आणखी एक पॅकेट मिळावे यासाठी तिने चक्क हॉटेल बाहेर भीक मागितल्याचे तिने सांगतिले.

चित्रपटांपूर्वी विद्या बालनने 'हम पांच' या लोकप्रिय टीव्ही शोमधून अभिनय क्षेत्रात पदार्पण केले. तेव्हा अभिनेत्री फक्त 16 वर्षांची होती. एकता कपूर आणि तिची आई शोभा कपूर निर्मित हा शो देखील खूप आवडला होता. आता विद्याची वेगळी ओळख सांगण्याची गरज नाही. तिची गणना बॉलिवूडच्या टॉप अभिनेत्रींमध्ये होते.