Vijay Raghvendra Wife Death News: कन्नड अभिनेते विजय राघवेंद्र यांच्या पत्नी स्पंदना राघवेंद्र यांचे हृदयविकाराच्या झटक्याने निधन झाले. दोघेही थायलंडमध्ये असताना ही घटना घडली.

मीडिया रिपोर्ट्सनुसार, विजय राघवेंद्र यांच्या पत्नीला ब्लड प्रेशरचा त्रास होता. त्यामुळे हृदयविकाराच्या झटक्याने त्यांचं निधन झालं. विजय यांची बायको स्पंदनाच्या निधनामुळे चाहत्यांनी दुःख व्यक्त केलंय.

(Vijay Raghavendra's Kannada Actor Wife Spandana Dies due to Heart Attack)

विजय राघवेंद्र आणि स्पंदना यांचा विवाह २६ ऑगस्ट २००७ रोजी झाला. स्पंदना ही निवृत्त सहाय्यक पोलिस आयुक्त बी.के. शिवराम यांची मुलगी होती. त्यांना शौर्य नावाचा मुलगा आणि एक मुलगी होती.

2016 मध्ये प्रदर्शित झालेल्या "अपूर्वा" या चित्रपटात स्पंदनाने पाहुण्या कलाकाराची भूमिका साकारली होती. दुःखद गोष्ट म्हणजे ही दुर्दैवी घटना त्यांच्या लग्नाचा 16 वा वाढदिवस साजरा करण्याआधी घडली. त्यांच्या लग्नाच्या वाढदिवसाला १९ दिवस बाकी असताना ही घटना घडली.

विजय राघवेंद्र सध्या बेंगळुरूमध्ये आहे. जिथे तो २५ ऑगस्टला प्रदर्शित होणाऱ्या ‘कड्डा’ या आगामी चित्रपटाच्या प्रमोशनमध्ये सहभागी होणार होता. मात्र, पत्नी स्पंदनाचे अचानक निधन झाल्याने त्याने प्रमोशन पुढे ढकललं आहे.

स्पंदनाचे वडील बीके शिवराम मुलीचा मृतदेह भारतात आणण्यासाठी बँकॉकला रवाना झाले आहेत. तिचे पार्थिव मंगळवारी परत आणले जाण्याची शक्यता आहे.

विजयचा चुलत भाऊ, पुनीत राजकुमार, एक ख्यातनाम कन्नड अभिनेता होता ज्यांचे ऑक्टोबर 2021 मध्ये हृदयविकाराच्या झटक्याने निधन झाले. आता बायकोच्या निधनाने विजय आणि त्याच्या कुटुंबाला नुकसान झालं आहे.