'द काश्मिर फाईल्स'(The Kashmir FIles) सिनेमामुळे दिग्दर्शक विवेक अग्निहोत्री यांची सर्वत्र जोरदार चर्चा सुरू आहे. बॉलीवूडच्या टॉपमोस्ट दिग्दर्शकांमध्ये विवेक अग्निहोत्री हे नाव आता सामिल झालं आहे. बड्या स्टार्सना आता विवेक अग्निहोत्रींसोबत काम करायचं आहे अशी चर्चा आहे. काही कलाकारांनी तर म्हणे त्यांना थेट फोन करुन त्यांच्यासोबत काम करायची इच्छा देखील व्यक्त केली आहे. बातमी कानावर पडली होती की कंगना रनौत (Kangana Ranaut)आणि विवेक अग्निहोत्री(Vivek Agnihotri) लवकरच आगामी सिनेमाच्या निमित्तानं एकत्र काम करताना दिसणार आहेत. पण जाणून घेऊया काय म्हणालेयत यावर विवेक अग्निहोत्री.

विवेक अग्निहोत्री सध्या 'द काश्मिर फाईल्सच्या' निमित्तानं देशात सर्वत्र सिनेमाच्या प्रमोशनसाठी फिरताना दिसत आहेत. त्यानंतर 'द दिल्ली फाईल्स'च्या प्रदर्शनात ते व्यस्त असणार आहेत. त्यानंतर पुढे काय करायचं याचा विचार अद्याप केला नाही यासंदर्भात विवेक अग्निहोत्री यांनी मागे स्पष्ट केलं होतं. विवेक अग्निहोत्री यांना एका मुलाखतीत कंगना रनौतसोबत काम करण्याविषयी विचारलं असता त्यांनी स्पष्ट केलंय,''माझ्या सिनेमांना स्टार्सची गरज नाही,मला अॅक्टर्स हवे आहेत. मी १२ वर्षांपूर्वी सिनेइंडस्ट्रीत माझ्या करिअरला सुरुवात केली तेव्हाच मी ठरवलं होतं की मला टिपिकल बॉलीवूड स्टार-ड्राईव्हन सिनेमे बनवायचे नाहीत. मला माझ्या पद्धतीनं सिनेमाला ट्रिटमेंट द्यायचीय.मला लोकांना कथा सांगायची आहे,जी खरी असेल. सिनेमा हे लेखक आणि दिग्दर्शकाचं माध्यम आहे यावर माझा ठाम विश्वास आहे''.

विवेक अग्निहोत्री दिग्दर्शित 'द काश्मिर फाईल्स' सिनेमानं आतापर्यंत तब्बल २५० कोटींचा बिझनेस केला आहे. सिनेमावर जेवढी टीका झाली तेवढंच लोकांनी डोक्यावरही उचलून घेतलं. नेहमी तिखट बोलणाऱ्या कंगनानेही सिनेमाचं कौतूक केलं होतं. पण आता विवेक अग्निहोत्रींनी कंगनासारख्या स्टार्सची नाही तर मला दर्जेदार कलाकारांची माझ्या सिनेमात गरज आहे असं म्हटल्यावर कंगना काय मुक्ताफळं उधळतेय याकडे सगळ्यांचे लक्ष लागून राहिले आहे.