बॉलिवूडचा 'भाईजान' अर्थात अभिनेता सलमान खानने (Salman Khan) नुकताच आपला ५६वा वाढदिवस साजरा केला. पनवेलच्या फार्महाऊसवर वाढदिवसाची पार्टी करण्यात आली. यावेळी इंडस्ट्रीतील बरेच सेलिब्रिटी हजर होते. सोशल मीडियाद्वारेही अनेक कलाकारांनी सलमानला वाढदिवसाच्या शुभेच्छा दिल्या. या सर्वात अभिनेत्री जिनिलिया डिसूझा (Genelia D'Souza) आणि सलमान यांच्या डान्सचा एक व्हिडीओ तुफान व्हायरल होत आहे. सलमानच्या पनवेलमधल्या फार्महाऊसवरीलच हा व्हिडीओ असल्याचं म्हटलं जात आहे. जिनिलियाने सलमानला वाढदिवसाच्या शुभेच्छा देताना हा व्हिडीओ पोस्ट केला आहे.

या व्हिडीओमध्ये सलमान आणि जिनिलिया 'फूटलूज' या गाण्यावर नाचताना पहायला मिळत आहेत. अत्यंत उत्साहात हे दोघं डान्स करत आहेत. सलमानच्या वाढदिवसाच्या सेलिब्रेशनला बॉबी देओल, इब्राहिम अली खान, अरबाज खान, सलमानची एक्स गर्लफ्रेंड संगीता बिजलानी आणि इतरही काही सेलिब्रिटी उपस्थित होते.

अभिनेत्री कतरिना कैफनेही सलमानसाठी खास पोस्ट लिहिली आहे. ''तुझ्या आयुष्यात आनंद आणि यश कायम राहू दे'', असं तिने लिहिलं आहे. कतरिनाने नुकतीच विकी कौशलशी लग्नगाठ बांधली. लग्नानंतर कतरिना पहिल्यांदाच सलमानसाठी व्यक्त झाली आहे. त्यामुळे तिची ही पोस्ट चर्चेत आली होती. सलमान आणि कतरिना २०२२ मध्ये प्रदर्शित होणाऱ्या 'टायगर ३' सिनेमात आपल्याला दिसणार आहेत. नुकतंच ते या सिनेमाचं एका शेड्युलंच शुटिंग पूर्ण करून मुंबईत परतले आहेत.