मुंबई : बॉलिवूड अभिनेता रणबीर कपूर आणि अभिनेत्री आलिया भट्ट यंदा त्यांच्या रिलेशनशिपमुळे चांगलेच चर्चेत राहिलेत. दोघेही येत्या काळात आपल्याला ब्रह्मास्त्र सिनेमातून प्रेक्षकांच्या भेटीला येणार आहेत.

मात्र यावर्षी चर्चा रंगली ती म्हणजे रणबीर आणि आलियाच्या या दोघांच्या लग्नाची. दोघांचं एकमेकांवर किती प्रेम आहे, हे त्यांनी अनेक रियालिटी शोमधून अनेकदा बोलून दाखवलंय. मात्र यंदा कोरोनामुळे या दोघांच्या लग्नात मात्र खोडा घातलाय.

एका प्रसिद्ध चित्रपट समीक्षकाराने नुकतीच रणबीर कपूरची मुलाखत घेतली. यामध्ये विविध विषयांवर चर्चा देखील झाली. मात्र, जेंव्हा लग्नाबद्दल रणबीरला विचारलं गेलं तेंव्हा रणबीर म्हणाला की, "यंदा कोरोनामुळे अनेक गोष्टी प्लॅनिंग नुसार होऊ शकल्या नाहीत. मात्र याबाबत आता अधिक वाच्यता करून गोष्टी आणखी वाईट करायच्या नाहीत. म्हणजेच कदाचित पुढल्या वर्षी, म्हणजेच 2021मध्ये आलिया आणि रणबीर लग्नाच्या बेडीत अडकू शकतात. 

हेही वाचा : प्रेमात आड येणाऱ्या मित्राचा काढला होता काटा, तब्बल 6 महिन्यानंतर मित्रासह साथीदाराला अटक

लॉकडाऊन बाबत बोलताना आलियाबाबत रणबीर म्हणतो की... 

लॉकडाऊन बाबत बोलताना आलियाबाबत रणबीर म्हणतो की, "माझी गर्लफ्रेंड आलिया ही ओव्हर अचिव्हर आहे. तिने लॉकडाऊनमध्ये गिटारपासून स्क्रिन रायटिंग सर्व गोष्टी शिकून घेतल्यात. मला कायम आलिया समोर अंडर अचिव्हर असल्यासारखं वाटतं. मी लॉकडाऊनच्या काळात कोणताही क्लास लावला नाही. वर्षाच्या सुरवातीला आम्ही कौटुंबिक समस्यांशी दोन हात करत होतो. यानंतर मी अभ्यास करणे आणि कुटुंबासोबत वेळ घालवण्यासारख्या गोष्टी सुरु केल्यात आणि मी दररोज दोन तीन सिनेमे पाहतो. 

मुंबईतील महत्त्वाच्या बातम्या वाचण्यासाठी इथे क्लिक करा| Marathi news from Mumbai  

wedding secret of alia bhatt and ranbir kapoor corona pandemic most awaited wedding