Welcome 3 Film Release Date and Title Announcement : बॉलीवूडमध्ये काही चित्रपटांना प्रेक्षकांची नेहमीच पसंती राहिली आहे. त्यात खिलाडीच्या वेलकम चित्रपटाचा उल्लेख करावा लागेल. हेरा फेरी सारखं यश या चित्रपटाला मिळाले होते. नाना पाटेकर, अनिल कपूर, परेश रावल यांच्यासारखे प्रसिद्ध अभिनेते या चित्रपटामद्ये होते.

नाना पाटेकर यांनी त्या चित्रपटात साकारलेली ती विनोदी भूमिका प्रचंड गाजली. सोशल मीडियावर तर त्याचे अजूनही कौतूक होते. त्याचे मीम्स तर नेहमीच चर्चेचा विषय राहिला आहे. त्या चित्रपटाला प्रेक्षकांनी पसंती दिली होती. त्यात नानांच्या अभिनयाचे मोठ्या प्रमाणात कौतूकही झाले होते. नानांनी उदयसेठची भूमिका साकारली होती. तर अनिल कपूरनं मजनू भाईची साकारलेली भूमिका प्रेक्षकांची दाद मिळवून गेली.

Also Read - Adhik Shravan Maas : अधिक श्रावण मास चित्तशुद्धीचा पर्वकाळ

वेलकम नंतर त्याच्या दुसऱ्या भागानं मात्र प्रेक्षकांची निराशा केली होती. त्यात जॉन अब्राहम आणि श्रृती हसन यांच्या भूमिका होत्या. आता निर्मात्यांनी वेलकम ३ ची घोषणा केली आहे. त्याच्या प्रदर्शनाची तारीख समोर आली आहे. २०२४ च्या नाताळात हा चित्रपट प्रदर्शित होणार असल्याचे सांगण्यात येत आहे. तिसऱ्या भागामध्ये संजय दत्त आणि अर्शद वारसी यांच्या भूमिका असल्याची चर्चा आहे.

गेल्या काही दिवसांपासून वेलकम ३ ची चर्चा आहे. मात्र यात अक्षयची भूमिका महत्वाची ठरणार आहे. नुकताच अक्षयचा ओएमजी २ प्रदर्शित झाला आहे. त्याला प्रेक्षकांचा चांगला प्रतिसाद मिळतो आहे. एका वेगळ्या विषयाची मांडणी या चित्रपटाच्या माध्यमातून अक्षयनं केली आहे. वेलकम ३ चे टायटल वेलकम टू द जंगल असे आहे. वेलकम च्या दोन्ही भागांचे दिग्दर्शन अनीस बज्मी यांनी केले होते. आता तिसऱ्या पार्टचे दिग्दर्शन अहमद खान यांनी केले आहे. त्याची निर्मिती साजिद नाडियावाला यांनी केली आहे.