मुंबई- 'बालिका वधू' या मालिकेच्या माध्यमातून घराघरात पोहोचलेली अभिनेत्री म्हणजे अविका गौर. अविकाने 'बालिका वधू' या मालिकेत आनंदी या बालकलाकाराची भूमिका साकारली होती. तेव्हापासून अविका खूप प्रसिद्धीझोतात आली आहे.आज अविकाचे अनेक चाहते आहे. त्यामुळे तिच्याविषयी प्रत्येक गोष्ट जाणून घेण्यासाठी चाहते उत्सुक असतात. अविकादेखील चाहत्यांच्या संपर्कात राहण्यासाठी अनेकदा सोशल मीडियावर तिचे फोटो, व्हिडीओ शेअर करत असते. 

हे ही वाचा: बिहारमध्ये एनडीएची सत्ता आल्यानंतर सोनू सूदने दिली प्रतिक्रिया

सोशल मीडियावर नेहमीच ऍक्टीव्ह असणारी अविका सध्या तिच्या रिलेशनशीपमुळे चर्चेत आली आहे.अविकाने नुकताच इन्स्टाग्रामवर एक फोटो शेअर केला आहे. यामध्ये तिने तिच्या प्रेमाची कबुली दिलीये. अविकाने तिच्या प्रियकरासोबत एक खास फोटो शेअर करत त्याच्यासाठी पोस्टदेखील लिहिली आहे. अविकाने ही पोस्ट शेअर केल्यानंतर तिचा प्रियकर नेमका कोण आहे? हा एकच प्रश्न चाहत्यांना पडला आहे.

अविका मिलिंद चंदवानी याला डेट करतेय. मिलिंद चंदवानी आयटी क्षेत्रात काम करत असून तो रोडीजमध्येही झळकला आहे. मिलिंद आणि अविका यांची पहिली भेट एका एनजीओच्या वर्कशॉपमध्ये झाली होती. अविकाची पोस्ट पाहिल्यानंतर मिलिंदने देखील त्याच अंदाजात तिला उत्तर दिलंय.

सध्या मिलिंद आणि अविका यांची पोस्ट सोशल मीडियावर चांगलीच चर्चेत आली आहे. अविकाने आतापर्यंत मिलिंदसोबत अनेक फोटो इन्स्टाग्रामवर शेअर केले आहेत.अविका आत्ता २२ वर्षांची आहे.'बालिका वधू'प्रमाणेच तिने 'ससुराल सिमर का' या मालिकेतही महत्वाची भूमिका साकारलीये.  

who is milind chandwani meet balika vadhu fame avika gors partner