मुकेश अंबानींच्या मुलांच्या लग्नानंतर आता त्यांचे धाकटे भाऊ अनिल अंबानी यांच्या घरात सनई चौघडे वाजलेयत. अनिल-टीना अंबानी यांचा मुलगा अनमोल अंबानी(Anmol AMbani)याचं लग्न मोठ्या दिमाखात पार पडलं. आता अंबानी कुटुंबातलं लग्न म्हणजे बच्चन कुटुंबाला निमंत्रण असणारंच नाही का. तर अनमोल अंबानीच्या लग्नातही संपूर्ण बच्चन कुंटुंब झाडून हजर होतं. अमिताभ(Amitabh Bachchan),जया,अभिषेक,ऐश्वर्या आणि आराध्या सगळ्यांनी खास पेहराव या दिवसासाठी केला होता. यांच्यासोबत श्वेता नंदा आणि नव्या नंदाही डिझायनर पेहरावात दिसल्या. याच लग्नात ऐश्वर्यानं(Aishwarya Rai-Bachchan) नेहमीप्रमाणे अंबानी कुटुंबाच्या लग्नासाठी लाल रंगाच्या पेहरावाची निवड केली होती. तर तिच्यासोबत अभिषेक अन् आराध्या हे दोघेही लाल रंगाचा ड्रेस घालूनच दिसले. अभिषेकनं लाल रंगाची शेरवानी तर आराध्यानं(Aaradhya Rai-Bachchan) लाल रंगाची घागरा-चोली परिधान केली होती.

या लग्नातले काही फोटो फॅशन डिझायनर शायना चुडासामानं सोशल मीडियावर पोस्ट केले आहेत. यामध्ये ऐश्वर्या,अभिषेक आणि आराध्या लाल रंगाच्या पेहरावात सुरेख दिसत आहेत. तिघांनीही कोरोना नियम मात्र पाळलेला दिसत आहे. कारण फोटोत तिघांच्याही चेहऱ्यावर मास्क लावलेला आहे. खरंतर शायनानेही लाल रंगाचीच साडी नेसली आहे. शायनानं लग्नाचे फोटो शेअर करताना अंबानी कुटुंबातल्या नव-दाम्पत्याला शुभेच्छा दिल्या आहेत. दुसरीकडे अमिताभ,जया,श्वेता नंदा,नव्या नंदा यांची लग्नातील उपस्थितीही त्यांच्या पेहरावामुळे लक्ष वेधून गेली. जया बच्चन यांनी हेमामालिनी यांच्यासोबत लग्नात खास फोटोशूट केलेलं दिसून आलं. तसंच हेमामालिनी यांनी एक फोटो पोस्ट केलाय ज्याचं कॅप्शन लक्ष वेधून घेत आहे. तो फोटो आहे-जया बच्चन,सुप्रिया सुळे यांच्यासोबत हेमामालिनी असा. त्या फोटोला त्यांनी कॅप्शन दिलं आहे की,''गूडफ्रेंड्स आऊटसाइड पार्लमेंट. धम्माल,मस्ती,कॅमेऱ्याची पर्वा नं करता लुटलेला आनंद''.

आता मुळ मुद्द्यावर येऊया. ऐश्वर्या अंबानी कुटुंबाच्या लग्नात नेहमी लाल रंगाच्या पेहरावात का दिसते किंवा लाल रंगाच्या साडीत दिसते तर याचं कारण तिनं एका मुलाखतीत मागे स्पष्ट केलं होतं. आपलं सौंदर्य,रुबाब,तेज,आनंद,उत्साह असं सारंच एकावेळेस प्रगट करणारा लाल रंग असतो म्हणूनच मी त्याची कायम निवड करते असं ती म्हणाली होती. अनमोल अंबानीच्या लग्नात तर तिनं आराध्या आणि अभिषेकसाठीही लाल रंगाच्या पेहरावाची निवड केली होती आणि सगळयांचं लक्ष वेधून घेतलं होतं.