झी मराठी वाहिनीवरील 'येऊ कशी तशी मी नांदायला' ही मालिका अल्पावधीतच लोकप्रिय ठरली. या मालिकेतील ओमकार व स्वीटू यांच्या जोडीला प्रेक्षकांकडून भरभरून प्रेम मिळतंय. मालिकेत जरी ओमकारच्या मनात स्वीटूविषयी प्रेम फुलत असलं तरी खऱ्या आयुष्यात मात्र त्याचं प्रेम एका तरुणीवर जडलंय. ओमकारची भूमिका साकारणारा अभिनेता शाल्व किंजवडेकर हा श्रेया डफळापूरकरला डेट करत असून त्यांच्या रिलेशनशिपला नुकतीच दोन वर्षे पूर्ण झाली आहेत. यानिमित्त शाल्वने सोशल मीडियावर खास फोटो पोस्ट केले आहेत. 

श्रेयासोबतचे रोमँटिक फोटो पोस्ट करत शाल्वने तिला शुभेच्छा दिल्या आहेत. याआधीही त्याने श्रेयासोबतचे बरेच फोटो इन्स्टाग्राम अकाऊंटवर पोस्ट केले आहेत. श्रेया ही स्टायलिस्ट असून तिचा स्वत:चा फॅशन लेबलसुद्धा आहे. सध्या 'येऊ कशी तशी मी नांदायला' या मालिकेमुळे शाल्व प्रकाशझोतात आला असून सोशल मीडियावरील त्याचा चाहतावर्गसुद्धा दिवसेंदिवस वाढत आहे. या मालिकेत अभिनेत्री अन्विता फलटणकर स्वीटूची भूमिका साकारतेय. 

हेही वाचा : बॉडीगार्डला दीपिका मानते भाऊ; देते तब्बल इतका पगार

हेही वाचा : 'आमच्या स्वप्नांची गुरुकिल्ली'; मराठी अभिनेत्रीने मुंबईत घेतलं घर

शाल्वने 'हंटर' या चित्रपटातून बॉलिवूडमध्ये पदार्पण केलं. २०१५ पासून तो या क्षेत्रात कार्यरत असून आतापर्यंत त्याने मालिका व वेब सीरिजमध्येही काम केलंय. झी मराठीवरील 'येऊ कशी तशी मी नांदायला' या मालिकेत तो शुभांगी गोखलेंच्या मुलाची भूमिका साकारतोय. श्रीमंत मुलगा आणि गरीब कुटुंबातील मुलगी यांच्यातील प्रेमकहाणी या मालिकेत दाखवण्यात येत आहे.