हिंगोली : जिल्ह्यात दोन दिवसापासून सायंकाळी रिमझिम होणाऱ्या पावसाने शनिवारी ता. चार मेघगर्जनेसह जोरदार आगमन केले असुन दिडतास जोरदार पाऊस झाला त्यानंतर पालसाची रिमझिम सुरू होती. हा पाऊस हिंगोली, कळमनुरी, औंढा व वसमत तालुक्यातील बहुतांश भागात झाला.

जिल्ह्यात मागच्या दोन दिवसापासून दिवसभर पाऊस उघडीप देत होता सायंकाळी मार रिमझिम पाऊस सुरू होता. हवामान खात्याने दिलेल्या अंदाजाप्रमाणे आज सकाळपासून ढगाळ वातावरण निर्माण झाले होते. काही वेळ ऊन देखील पडले होते. दुपारी तीन वाजता ढगाळ वातावरण निर्माण झाले त्यानंतर मेघगर्जनेसह जिल्ह्यात पावसाचे आगमन झाले. हा पाऊस हिंगोली, कळमनुरी, औंढा व वसमत तालुक्यातील अनेक गावात झाला आहे.

पिकांच्या वाढीसाठी पाऊस आवश्यक असल्याचे शेतकरी सांगत आहेत. मागच्या आठवड्यात काही दिवस पावसाची झड होती. त्यानंतर पावसाने उघडीप दिली. सध्या सोयाबीन पिकांला शेंगा लागत आहेत. त्याच्या वाढीसाठी पाऊस आवश्यक होता असे शेतकरी सांगत आहेत.

दरम्यान, हा पाऊस हिंगोली तालुक्यातील सिरसम, बासंबा, कनेरगाव, फाळेगाव, नर्सी, सवड, केसापुर, घोटा, बळसोंड, अंधारवाडी, कारवाडी आदी ठिकाणी झाला. कळमनुरी तालुक्यातील डोंगरकडा, वारंगा, सुकळी, बोल्डा, पोतरा, येहळेगाव गवळी, असोला, नांदापुर, सोडेगाव आदी ठिकाणी झाला.

वसमत तालुक्यातील गिरगाव, कुरुंदा, कोठारी, वापटी, कुपटी, खांबाळा, खापरखेडा, पांगरा शिंदे आदी गावात झाला औंढा नागनाथ तालुक्यातील गोळेगाव, असोला, नागेशवाडी आदी ठिकाणी पाऊस झाला. जोरदार पावसानंतर काही वेळ पाऊस थांबला मात्र परत पावसाची रिमझिम सुरू झाली. ढगाळ वातावरण कायम होते. पिकांसाठी लाभदायक पाऊस असल्याचे शेतकरी सांगत आहेत.