haj esakal
मराठवाडा

Haj Yatra 2024 : हज यात्रेसाठी राज्याला यंदा अतिरिक्त नऊ हजार जागा ; १९ हजार ६४९ भाविक जाणार ; २७ हजार २८३ जणांचे अर्ज

हज यात्रेसाठी महाराष्ट्राला मूळ १० हजार ५०९ भाविकांचा कोटा आहे. मात्र, देशातील इतर राज्यातून इच्छुक भाविकांचे कमी अर्ज आल्याने त्यांच्याकडील शिल्लक (सरप्लस) ९ हजार १४० जागा महाराष्ट्राला मिळाल्या असून २०२४ या वर्षात राज्यातून १९ हजार ६४९ भाविकांना हजला जाण्याची संधी मिळणार आहे.

सकाळ वृत्तसेवा

छत्रपती संभाजीनगर : हज यात्रेसाठी महाराष्ट्राला मूळ १० हजार ५०९ भाविकांचा कोटा आहे. मात्र, देशातील इतर राज्यातून इच्छुक भाविकांचे कमी अर्ज आल्याने त्यांच्याकडील शिल्लक (सरप्लस) ९ हजार १४० जागा महाराष्ट्राला मिळाल्या असून २०२४ या वर्षात राज्यातून १९ हजार ६४९ भाविकांना हजला जाण्याची संधी मिळणार आहे. या वर्षी देशात महाराष्ट्रातून सर्वाधिक २७ हजार २८३ इच्छुक असलेल्या भाविकांचे अर्ज आले आहेत.

२०२४ या वर्षात केंद्रीय हज कमिटीसाठी देशात एकूण १ लाख ४० हजार २० भाविकांचा कोटा आहे. त्यात महाराष्ट्राला मुस्लिम लोकसंख्येच्या प्रमाणात मूळ १० हजार ५०९ भाविकांचा कोटा देण्यात आला होता. त्यासाठी १५ जानेवारीपर्यंत भाविकांना अर्ज करण्याची संधी होती. देशभरातून यंदा १ लाख ७४ हजार ११७ भाविकांचे अर्ज आले. यात १ लाख ६२ हजार ५८५ भाविक हे सर्वसाधारण गटातील आहेत. तर ६ हजार ३७० भाविक हे ७० वर्षांपेक्षा जास्त वयाचे आहेत. त्यांना थेट हजला जाण्याची संधी मिळेल.

उत्तर प्रदेश, बिहार, बंगालमधून अर्ज कमी

देशात मुस्लिम लोकसंख्येच्या प्रमाणात उत्तर प्रदेश, पश्‍चिम बंगाल, आसाम राज्यात सर्वाधिक जागा आहेत. मात्र यंदा तेथे इच्छुकांचे कमी अर्ज आले आहेत. यात उत्तर प्रदेश ११ हजार ४७८, पश्‍चिम बंगाल १४ हजार ३८, बिहारमधील १० हजार ४०३, आसाम ४ हजार ९३५, जम्मू काश्‍मीर २ हजार १० अशा एकूण ४४ हजार २३४ जागांसाठी अर्ज आलेले नाहीत. या राज्यांकडील शिल्लक जागा इतर राज्यांकडे वळविण्यात आल्या आहेत. ज्या राज्यातून इच्छुकांचे सर्वाधिक अर्ज आले त्या प्रमाणात या जागा देण्यात आल्या. यात महाराष्ट्राला पहिल्या टप्प्यात ८ हजार ९६१ तर दुसऱ्या टप्प्यात १७९ अशा एकूण ९ हजार १४० जागा अतिरिक्त मिळाल्या आहेत. त्यामुळे महाराष्ट्राचा मूळ आणि अतिरिक्त जागा मिळून सध्या कोटा हा १९ हजार ६४९ झाला आहे.

महाराष्ट्रातील भाविकांना मोठी संधी

राज्यात अर्ज केलेल्यांमध्ये ७० पेक्षा जास्त वय असलेल्या भाविकांची संख्या १ हजार ३०६ आहे. नियामानुसार त्यांचा हजला थेट नंबर लागला आहे. तसेच २५ हजार ८११ भाविक सर्वसाधारण वर्गातील आहेत. त्यामुळे आता प्रतिक्षा यातीत फक्त ७ हजार ६३४ भाविक राहतील. ज्या भाविकांचा नंबर लागला त्यांना मात्र काही अडचणींमुळे हजला जाता येणार नाही. त्यांच्या जागी प्रतिक्षा यादीतील भाविकांना संधी मिळेल. त्यामुळे यंदा राज्यातील भाविकांना हजयात्रा करण्याची मोठी संधी मिळाली आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Sangli DCC Bank Election : सांगलीच्या राजकारणात मोठा उलटफेर! 1999 नंतर पहिल्यांदाच राष्ट्रवादीचे वर्चस्व संपले; काँग्रेसचे महेंद्र लाड नवे अध्यक्ष, तर उपाध्यक्षपदी शिवसेनेचे तानाजी पाटील

Dadar Railway Station: दादर रेल्वे स्थानकाचं नाव बदलणार, सरकार मोठा निर्णय घेणार; मनसेचा आक्षेप

Government Tractor Scheme : ट्रॅक्टर खरेदीसाठी तीन लाखांचे अनुदान; सरकारची योजना, १५ डिसेंबरपर्यंत अर्जाची मुदत

Marathi News Live Updates : सोलापुरात ऊस दराचा तिढा कायम; पालकमंत्र्यांच्या उपस्थितीत मध्यरात्री तीन तास चर्चा, तरीही तोडगा नाही

Ahilyanagar News: भीषण आगीत पाच दुकाने खाक ;पाथर्डी तालुक्यातील भुतेटाकळी फाटा येथील घटना

SCROLL FOR NEXT