नांदेड : कोरोना विषाणूच्या प्रतिबंधात्मक उपाययोजनांसाठी शासकीय कार्यालयांतील मणुष्यबळ निम्यावर कमी करण्यात आले आहे. संसर्ग रोखण्यासाठी अधिकारी, कर्मचाऱ्यांनी शक्यतो ‘होम टू वर्क’ची अंमलबजावणी करण्याचे निर्देश जारी करण्यात आल्याने जिल्हा परिषदेच्या विविध विभागात मोजक्याच टेबलांवर कर्मचारी उपस्थित आहेत. गर्दी टाळण्यासाठी शिक्षण विभगाच्या प्रवेशद्वारावर अभ्यागतांसाठी प्रवेश निशिब्धचे फलक डकविण्यात आले आहेत. महत्त्वाचे काम असल्यास सोशल मीडिया, व्हॉट्सॲप ग्रुपचा वापर करण्याचे फर्मानही जारी करण्यात आले आहे. 

कोरोनाचा प्रादुर्भाव रोखण्यासाठी जिल्ह्यातील सार्वजनिक आस्थापना, शाळा, महाविद्यालये, व्यायाम शाळा बंद झाल्यामुळे तसेच कोरोनाच्या भीतीमुळे शहरातील वर्दळ कमालीची घटली आहे. सार्वजनिक कार्यक्रमही होत नसल्याने प्रमुख चौक, रस्ते दिवसभर ओस पडत आहेत. कोरानाचा संसर्ग टाळण्यासाठी गर्दीच्या ठिकाणांवर निर्बंध जारी करण्यात आले आहेत. संसर्ग रोखण्यासाठी शासकीय कार्यालयांतील मनुष्यबळ कमी करण्यात आले आहे. पाच दिवसांचा आठवडा असल्याने कर्मचाऱ्यांना दोन शिप्टमध्ये कर्तव्य बजावण्याचे निर्देश आहेत. त्यामुळे जिल्हा परिषदेच्या विविध विभागाचा कारभार मोजक्या कर्मचाऱ्यांवर सुरू आहे. 

हेही वाचा - नांदेडमधील ‘ही’ सामाजिक संस्था जपतेय मानवी मूल्य, कोणती? ते वाचायलाच पाहिजे
 
अभ्यागतांसाठी फर्मान 
कार्यालयात मोजकेच अधिकारी, कर्मचारी उपस्थित असले तरी कोरोनाच्या प्रतिबंधक उपायोजनांसाठी कामानिमित्त बाहेरून येणाऱ्या अभ्यागतांसाठी शिक्षण विभागाच्या प्रवेशद्वारावर ‘अभ्यागतांनी त्यांचे अत्यंत अवश्यक व टाळता न येणारे काम असेल तरच वैयक्तिक भेट घ्यावी अन्था त्यांनी आपले म्हणणे व्हॉट्सॲप नंबरवर मांडावे’ अशा फलकाद्वारे फर्मान जारी केले आहे. 

प्रशासनाकडून गर्दीला आवर 
नेहमी गजबलेल्या जिल्हा परिषदेच्या विविध विभागांच्या कार्यालयाने कोरोनाच्या प्रतिबंधात्मक उपाययोजनांसाठी गर्दीला चांगलाच आवर घातला आहे. चुकून एखादा नागरिक कामानिमित्त आत प्रवेश करण्याच्या तयारीत असला तरी त्यास प्रवेशद्वारावर आडवून चौकशीला सामोरं जाव लागत. कोरोना बाबत प्रशासनाने घेतलेल्या खबरदारीचा भाग म्हणून त्याची समजूत काढून सोशल मीडियाचा सल्ला देण्यात येतो. त्यामुळे कामकाजा दरम्यान, कोरोनाचा संसर्ग रोखण्यासाठी कार्यालये गर्दीपासून अलीप्त झाल्याचे चित्र आहे. 

येथे क्लिक करा - नागरिकांनी काळजी न करता खबरदारी घ्यावी.....कोण म्हणाले ते वाचा
 
कोरोनाचे गांभीर्य नाही !
कोरोनाच्या प्रतिबंधात्म उपाययोजनांसाठी नागरिकांध्ये खबरदारीच्या उपाययोजनांची यंत्रणेकडून जागृती करण्यात येत आहे. कार्यालयीन कर्मचाऱ्यांना होम टू वर्कचा सल्ला देत अभ्यागतांसाठी फर्मान जारी करून गर्दीपासून अलिप्त जिल्हा परिषदेतील विविध विभागाच्या कार्यालयांना अद्याप कोरोना विषयी गांभीर्य नसल्याचे धक्कादायक चित्र दिसून आले आहे. दरम्यान, कार्यालयाच्या प्रवेशद्वारावर हॅंडवॉशसह पाण्याची बकेट ठेवू शकत नसले तरी किमान एक, दोन टेबलवर सॅनिटायझर असने अत्यावश्यक आहे.

जिल्हापरिषद अध्यक्षासह सर्व पदाधिकाऱ्यांचे कार्यालय, विविध विभागाच्या कार्यालयामध्ये शुक्रवारी सॅनिटायझर उपलब्ध नसल्याची धक्कादायक बाब समोर आली. त्यामुळे कोरोना विषयी जागृती करणाऱ्या प्रशासनालाच गांभीर्य नसल्याचे बोलले जात आहे.