औंढा नागनाथ : तालुक्यातील दुधाळा तांडा येथे लोहगाव एजी फिटरवरून सिंगल फेज वीजपुरवठा तत्काळ द्यावा, अशी मागणी शेतकऱ्यांनी मंगळवारी (ता. पाच) महावितरणचे सहायक अभियंता नीरज रणवीर यांच्याकडे केली आहे.

निवेदनात नमूद केले आहे की, लोहगाव एजी फिटर अंतर्गत काही दिवस सिंगल फेज वीज चालू होती. परंतु, ती बंद करण्यात आली. त्यामुळे अनेक प्रश्नांना तोंड द्यावे लागत आहे. आता लोहगाव एजी फिटर अंतर्गत दुधाळा तांडा परिसरात तत्काळ सिंगल फेज वीज द्यावी. असे न झाल्यास लोकशाही मार्गाने आंदोलन केले जाईल.

निवेदन रिपब्लिकन सेना प्रदेशाध्यक्ष किरण घोंगडे यांच्या मार्गदर्शनाखाली पंजाब चव्हाण, विलास राठोड, साहेबराव जाधव, भाऊसाहेब पवार, नामदेव चव्हाण, एकनाथ जाधव, मगदूम पठाण, कैलास जाधव, राजू पवार, रहीम पठाण, संजय राठोड, परमेश्वर राठोड, संदीप जाधव, परमेश्वर राठोड, प्रवीण जाधव, सय्यद महमूद, विष्णू जाधव, शिवाजी पवनकर, मारोती चिखलकर, विष्णू चव्हाण, एकनाथ जाधव, अरविंद चव्हाण आदींनी दिले आहे.