उदगीर (लातूर) : देऊळवाडी (ता. उदगीर) येथील बालाजी गताटे व गंगाधर गताटे या भावकीतील कुटुंबामध्ये शेतात जेसीबीच्या साहाय्याने कालवा काढण्याच्या कारणावरून वाद होता. त्यामुळे एक मे रोजी त्यांच्यामध्ये काठ्या कुऱ्हाडीने मारहाण झाली होती. सदर भांडणात रुद्रप्पा गताटे यांचा येथील सरकारी दवाखान्यात उपचारादरम्यान मृत्यु झाला.
त्या विरुद्ध तक्रारदार सतीश गताटे यांनी प्रताप गताटे व इतर अकरा जणांविरुद्ध खुनाचा गुन्हा नोंदवला. त्या विरुद्ध प्रभावती, आशा व रेखा गताटे यांनी उदगीर येथे सत्र न्यायालयात अटकपुर्व जामीन मिळणेबाबत अर्ज दाखल केला होता. परंतु गुन्ह्याचे गंभीर स्वरूप असल्याचे कारण देत सत्र न्यायालयाने त्यांचा अटकपुर्व जामीन अर्ज फेटाळुन लावला. त्यानंतर त्यांनी अॅड. कृष्णा रोडगे यांच्या मार्फत मुबई उच्च न्यायालय औरंगाबाद खंडपीठात अटकपुर्व जामीन मिळणे बाबत याचिका दाखल केली होती.
सदर याचिकेवर १३ ऑगस्ट रोजी सुनावणी आली असता अर्जदारांच्या वकिलांनी प्रतिपादन केले की, अर्जदार यांचा प्रत्यक्ष गुन्ह्यात सहभाग नव्हता. तसेच गुन्हा घडला तेव्हा अर्जदार हे गुन्ह्याच्या ठिकाणी हजरही नव्हते. तसेच त्यांचे FIR मध्ये नावे सुद्धा नव्हती.
परंतु घटनेच्या दुसऱ्या दिवशी हेतुपुरस्पर व द्वेष बुद्धीने अर्जदारांची नावे पुरवणी अहवालात घेण्यात आली. त्यामुळे अर्जदार हे अटकपुर्व जामीन मिळण्यासाठी पात्र आहेत. या वरील बाबी विचारात घेऊन उच्च न्यायालयाने अर्जदारांचा अटकपुर्व जमीन मंजुर केला अशी माहीती अँड. रोडगे यानी दिली आहे.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.