मराठवाडा

कोपर्डीप्रकरणी साक्षीदाराच्या उलटतपासणीस खंडपीठाची परवानगी

सकाळवृत्तसेवा
औरंगाबाद - कोपर्डी घटनेसंबंधी प्रसारमाध्यमांतील वृत्तांची सीडी तयार करणाऱ्या एकमेव साक्षीदाराची उलटतपासणी घेण्यास औरंगाबाद खंडपीठाचे न्यायमूर्ती के. के. सोनवणे यांनी आज परवानगी दिली. या प्रकरणात क्रमांक दोनचा आरोपी असलेल्या संतोष गोरख भवाल याने खंडपीठात अर्ज दाखल करून सहा साक्षीदारांची उलटतपासणी घेण्याची मागणी केली होती.

कोपर्डीसंदर्भात दाखविलेल्या बातम्यांची सीडी तयार करणारी व्यक्ती, नगरचे जिल्हाधिकारी, विशेष सरकारी वकील उज्वल निकम, प्रयोगशाळेचे संचालक, एक माध्यम प्रतिनिधी आणि न्यायवैद्यक प्रयोगशाळा नगरचे सहायक संचालक हे सहा जण या खटल्यात साक्षीदार आहेत. या साक्षीदारांची तपासणी करण्याची विनंती करणारा अर्ज 10 जुलैला सत्र न्यायालयाने फेटाळला होता. यास खंडपीठात फौजदारी पुनर्विलोकन अर्जाद्वारे आव्हान देण्यात आले होते. वरील सर्वजण या प्रकरणात महत्त्वाचे साक्षीदार असून, त्यांना तपासण्याची परवानगी द्यावी, अशी विनंती अर्जात केली होती.

शासनाच्या वतीने मुख्य सरकारी वकील अमरजितसिंह गिरासे यांनी प्रत्यक्ष अथवा अप्रत्यक्ष खटल्याशी संबंध असलेल्या साक्षीदारास आरोपी पक्षाला तपासता येते. भारतीय पुरावा कायदा कलम 5 व 233 अन्वये काही माणके घालून दिली असल्याचे स्पष्ट केले. सबळ आधार नसताना केवळ खटला लांबविण्यासाठी अशी मागणी केली जात असल्याचे ऍड. गिरासे यांनी खंडपीठाच्या निदर्शनास आणून दिले होते. खंडपीठाने सहापैकी केवळ एकाच साक्षीदाराची उलटतपासणी घेण्यास परवानगी दिली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Also Read

Manoj Jarange : मनोज जरांगे अन् पंकजा मुंडे एकाच व्यासपीठावर; कार्यकर्त्यांनी घातला गोंधळ; नेमकं काय घडलं?

IPL 2024, GT vs RCB Live Score: पुनरागमन करताच मॅक्सवेलचा गुजरातला मोठा दणका! कर्णधार शुभमन गिलला धाडलं माघारी

Nashik News : 10 वर्षानंतर धुळ झटकली; म्हाडा प्रकरणातील प्रस्ताव तपासण्याच्या सूचना

Latest Marathi News Live Update : एमके स्टॅलिन यांच्या पत्नीकडून तिरुपती येथील श्री व्यंकटेश्वर स्वामी मंदिरात प्रार्थना

Ulhasnagar Crime : मटका किंगच्या मुलावर जीवघेणा हल्ला करणारा आरोपी जेरबंद ; इन्स्टाग्राम पोस्टमुळे अडकला जाळ्यात

SCROLL FOR NEXT