औरंगाबाद ः कोरोना विषाणू आणि त्यापासून होणाऱ्या कोविड-१९ या आजाराचा धोका शहरात वाढत आहे. शहरात आज (ता. २७) एकाच दिवशी तब्बल २९ नवे रुग्णे आढळले असून, एका महिलेचा मृत्यू झाला. त्यामुळे शहर हादरले असून, आरोग्य विभाग अधिक सर्तक झाला आहे.
शहरात १५ मार्चला पहिला कोरोनाबाधित रुग्ण आढळला होता. परदेशातून आलेल्या एका महिलेला संसर्ग झाला. त्यानंतर तब्बल १५ दिवस शहरात नवा रुग्ण आढळला नाही. त्यामुळे शहरवासीयांनी सुटकेचा निःश्वास सोडला होता; पण दोन एप्रिलला एन- चारमधील एका महिलेला बाधा झाली आणि त्यानंतर आजपर्यंत (ता. २७) तब्बल ८३ व्यक्ती कोरोनाग्रस्त झाल्या.
एका महिलेचा मृत्यू
शासकीय वैद्यकीय महाविद्यालय व रुग्णालयात शनिवारी (ता. २५) दाखल करण्यात आलेल्या ६० वर्षीय कोरोनाबाधित महिलेचा सोमवारी (ता. २७) दुपारी साडेबारा वाजता
उपचारादरम्यान मृत्यू झाला असल्याचे घाटीच्या अधिष्ठाता डॉ. कानन येळीकर यांनी कळवले आहे. लेफ्ट साईडेड न्यूमोनायटिस विथ डायबेटिस विथ हायपरटेंशन विथ हायपोथायरॉडीझम या आजारामुळे किलेअर्क भागातील ६० वर्षीय महिलेला २४ एप्रिलला घाटी रुग्णालयात दाखल करण्यात आले होते. २५ एप्रिलला या महिलेचा स्वॅब घेण्यात आला होता. तसेच त्याच दिवशी त्यांचा कोवीड चाचणीचा अहवाल पॉझिटिव्ह आला होता. कोरोनासोबतच मधुमेह, रक्तदाब आदी आजार असल्याने या वृद्धेची प्रकृती चिंताजनक बनली होती.
या भागात आज सापडले नवे रुग्ण
असे वाढले कोरोना रुग्ण
आतापर्यंत झालेले मृत्यू
आतापर्यंत बरे झालेले रुग्ण
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.