गेल्या काही दिवसांमध्ये अपघाताचे प्रमाण मोठ्या प्रमाणावर वाढल्याचे दिसून येत आहे. यामध्ये काही वेळा वाहन चालक देखील जबाबदार असतात, दरम्यान, छत्रपती संभाजीनगरमध्ये भीषण अपघाताची घटना समोर आली आहे. मुलाला भेटण्यासाठी आलेल्या महिलेला ट्रकने चिरडल्याने महिलेचा मृत्यू झाला आहे.

पोलीस कारवाई करणार असल्याच्या धाकाने ट्रक रिव्हर्स घेताना मागच्या चाकाखाली आल्याने मुलासमोरच वृध्देचा मृत्यू झाल्याची धक्कादायक घटना संभाजीनगर शहराजवळील केंब्रिज चौकात घडली आहे. पुष्पा बाई वामनराव जगताप अस या महिलेच नाव आहे.

या घटनेत ट्रक चालक निंगराज मलप्पा बिस्मोंडे याच्या विरोधात एम.आय.डी.सी सिडको पोलिसात गुन्हा दाखल करण्यात आला आहे. अकोला येथून मुलाला भेटण्यासाठी पुष्पाबाई संभाजीनगर शहरात आल्या होत्या.

बसमधून उतरल्यावर मुलाची वाट पाहताना रस्त्याच्या बाजूला उभ्या असताना ही घटना घडली असल्याची माहिती पोलिसांनी दिली. आई डोळ्यासमोर मृत पाहताच मुलाने हंबरडा फोडला, परिसरात एकच शोककळा पसरली.