औरंगाबाद :  फी वसुली, शैक्षणिक साहित्य यासह अन्य अनियमितताबाबत शहरातील द जैन इंटरनॅशनल स्कूलवर कारवाई करण्याचा प्रस्ताव जि.प. शिक्षण विभागाने शिक्षण उपसंचालक यांना सादर केला आहे. यावर उपसंचालकांकडून काय निर्णय येतो आता याकडे लक्ष लागले आहे. शहरातील शहानूरमियाँ दर्गा येथील जैन इंटरनॅशनल स्कूलमध्ये काही दिवसांपूर्वी पालकांकडून आंदोलन करण्यात आले होते.

या आंदोलनात शुल्क भरण्यात यावे, शुल्क न भरल्याने विद्यार्थ्यांची ऑनलाइन तासिकेची लिंक बंद करण्यात आली होती. तर शाळेतूनच शैक्षणिक साहित्य खरेदीची सक्ती करण्यात येत असल्याची तक्रार पालकांनी शिक्षणाधिकाऱ्यांकडे निवेदनाद्वारे केली होती. यावर शाळेचे मुख्याध्यापक संतोष कुमार यांनी करण्यात आलेले आरोप चुकीचे असल्याचे सांगत शुल्क वसुलीची सक्ती केली जात नसल्याचे म्हटले आहे.

औरंगाबादच्या टोमॅटोचा देशभर डंका; मध्य प्रदेश, दिल्ली, राजस्थानात दररोज पन्नास टनाची विक्री

यासंदर्भात पालकांकडून आलेल्या तक्रारींसाठी समिती गठित करून शिक्षण विभागाने केलेल्या तपासणीत शाळेत असे प्रकार सुरू असल्याचे निदर्शनात आले आहे. यावर आता पुढील दंडात्मक कारवाईसाठी शिक्षण उपसंचालकांकडे प्रस्ताव सादर करण्यात आल्याचे प्राथमिक शिक्षणाधिकारी सूरजप्रसाद जयस्वाल यांनी सांगितले.

संपादन - गणेश पिटेकर