औरंगाबाद : उधारीचे पैसे मागण्यास गेलेल्या दुकानदारावर कुऱ्हाडीने हल्ला करुन जीवे मारण्याचा प्रयत्न केल्याच्या प्रकरणात एका संशयिताला अटक करण्यात आली. विशाल मोरे असे त्या आरोपीचे नाव आहे. 

हेही वाचा- साडेनऊ कोटींच्या घोटाळ्याला उस्मानाबादचे पालकमंत्री का देताहेत बगल?

प्रकरणी X राहिल्याने फिर्यादी हिवाळेने सागरला वारंवार फोन केले. मात्र त्याने फोन उचलला नाही. दरम्यान, फिर्यादी व अमित सुरडकर यांनी सागरला 16 जानेवारी रोजी फोन केला असता, त्याने पैसे घेण्यासाठी पैठण गेटवर बोलावले. फिर्यादी व अमित हे पैठणगेटवर पोहोचले असता तिथे त्यांना सागर भेटला. त्यानंतर फिर्यादीने पैसे मागितले असता, सागर याने शिविगाळ करीत फिर्यादीच्या डोक्‍यात कुऱ्हाडीने वार करुन जिवे मारण्याचा प्रयत्न केला, तर आरोपी विशाल मोरे (26, रा. सब्जीमंडी) याने फिर्यादीचे हात पकडून ठेवले. त्याचवेळी फिर्यादीच्या दोन परिचितांनी फिर्यादीची आरोपींच्या तावडीतून सुटका केली. प्रकरणात क्रांतीचौक पोलिस ठाण्यात गुन्हा दाखल होऊन आरोपी विशाल मोरेला अटक करण्यात आली. 

हे वाचलंत का- काबाडकष्ट करून कुटुंब जगत होतं; पण अखेर जीव गेलाच..बीडची हेलावणारी घटना

सोमवारपर्यंत पोलिस कोठडी 

आरोपी मोरेला अटक करुन न्यायालयात हजर केले असता, त्याला सोमवारपर्यंत (ता.20) पोलिस कोठडीत ठेवण्याचे आदेश मुख्य न्यायदंडाधिकारी एम. ए. मोटे यांनी दिले. सुनावणीदरम्यान मुख्य आरोपी सागर रत्नपारखे याला अटक करणे बाकी असून, जीवघेणा हल्ला करण्यामागे आरोपींचा नेमका कोणता उद्देश होता, आरोपींचे आणखी कोणी साथीदार आहेत का आदी बाबींचा तपास करावयाचा आहे आणि आरोपींकडून कुऱ्हाड जप्त करावयाची आहे. त्यामुळे आरोपीला पोलिस कोठडी देण्याची विनंती सरकारी पक्षाच्या वतीने न्यायालयात करण्यात आली.

क्लिक करा- आई...बाळू काकाचं अन्‌ माझं काहीच नव्हतं! चिठ्ठी देत मुलीची आत्महत्या, युवकही...