छत्रपती संभाजीनगर : रस्त्यात विवाहितेस अश्लील शिवीगाळ करत ‘कारमध्ये बस’ असे म्हणत तिचा विनयभंग करण्याचा प्रयत्न केल्याची घटना १५ एप्रिल रोजी दुपारी तीन वाजेदरम्यान तानाजी मालूसरे चौकात घडली. याप्रकरणी विवाहितेच्या फिर्यादीवरून कारचालक आरोपीविरोधात जवाहरनगर पोलिस ठाण्यात गुन्हा दाखल करण्यात आला आहे.

केतन मिलिंद घाटे असे कारचालक आरोपीचे नाव आहे. याप्रकरणी विवाहितेने दिलेल्या फिर्यादीनुसार आरोपी केतन याने सार्वजनिक रस्त्यावर विवाहितेस अश्लील शिवीगाळ केली, तसेच मारण्याची धमकी देत (कार क्र. एमएच २० ईएल १८८८) ‘माझ्या कारमध्ये बस’ अशी धमकी देत विनयभंग करण्याचा प्रयत्न केला.

तसेच ही बाब पतीला सांगशील तर तुला जिवंत सोडणार नाही, म्हणत धमकी दिल्याचेही फिर्यादीत म्हटले आहे. याप्रकरणाचा पुढील तपास हवालदार पोटे करत आहेत.