औरंगाबाद : औरंगाबादचे संभाजीनगर करण्याचा मुद्दा चंद्रकांत पाटलांना आत्ता आठवला का? सत्तेत असताना पाच वर्ष त्यांनी काय म्हशी भादरल्या का, असा सवाल कांग्रेसचे शहराध्यक्ष माजी आमदार नामदेवराव पवार यांनी केला आहे. 

कांग्रेस पक्षाच्या वतीने आरक्षण वाचवा अभियानाला औरंगाबादमधून रविवारी (ता. १) सुरूवात झाली. या अभियानात मराठवाड्यात गावोगावी जाऊन जागृती करण्यात येणार आहे. यावेळी नामदेव पवार यांनी भाजपवर टीका केली. 

भाजपचे नगरसेवक आले काळे कपडे घालून आणि... 

''औरंगाबाद शहराचे नाव संभाजीनगर व्हायलाच हवे. आपण सगळे छत्रपती शिवाजी महाराज, संभाजी महाराज यांचे वंशज आहोत, आपण औरंगजेबाचे वंशज नाहीत, त्यामुळे तांत्रिक अडचणी दूर करून नाव बदलायला हवे,'' असा सूचक टोला भाजपचे प्रदेशाध्यक्ष चंद्रकांत पाटील यांनी शिवसेनेला लगावला होता. 

महापालिका निवडणुकीच्या अनुषंगाने शनिवारी (ता. २९) औरंगाबादच्या दौऱ्यावर असलेल्या चंद्रकांत पाटील यांनी शहरातील उद्योजक, व्यापारी, वकील, सीए, डॉक्टर व विविध संघटनांच्या पदाधिकाऱ्यांशी हॉटेलमध्ये संवाद साधला. यावेळी त्यांनी शिवसेनेवर टीका केली होती. त्याला आज कॉंग्रेसच्या शहराध्यक्षांनी प्रत्युत्तर दिले.  

संताप येईल तुम्हाला ही बातमी वाचाल तर...