औरंगाबाद - विविध धार्मिक व जागतिक वारसा लाभलेल्या शहरातील बेगमपुरा-पहाडसिंगपुरा वॉर्डाला तीर्थक्षेत्राचा दर्जा मिळाला आहे.
या वॉर्डाला तीर्थक्षेत्राचा दर्जा देण्याचा प्रस्ताव सर्वसाधारण सभेत मंजूर करण्यात आल्याची माहिती महापौर नंदकुमार घोडेले यांनी दिली.
क्लिक करा : बुडाला लागलेल्या तिजोरीत जमा झाले १९ कोटी रुपये
बेगमपुरा-पहाडसिंगपुरा ही शहरातील सर्वांत जुनी वसाहत असून, या प्रभागात पुरातन जनार्दन स्वामी यांचा मठ, सद्गुरू निपट निरंजन महाराजांचे समाधी मंदिर, गोगाबाबा मंदिर, गोगाबाबा टेकडी, हनुमान टेकडी, जैन समाजाचे मुनी मिश्रीलाल महाराजसाहेब यांनी स्थापन केलेल्या गणेशलाल महाराज साहेब यांचे समाधिस्थळ गुरू गणेशनगर येथे आहे. दर अमावास्येला राज्य तसेच दक्षिण भारतातून हजारो भाविक दर्शनासाठी येतात.
तसेच जगप्रसिद्ध औरंगाबाद लेणी, बिबी का मकबरा, थत्ते नहर अशा अनेक प्राचीन वास्तू , जुने वाडे तसेच प्रेक्षणीय स्थळे असल्यामुळे येथे दर्शनासाठी व भेट देण्यासाठी भाविक व पर्यटक येतात. त्यामुळे या प्रभागास तीर्थक्षेत्राचा दर्जा मिळावा असा प्रस्ताव सर्वसाधारण सभेत या वॉर्डाचे नगरसेवक सचिन खैरे यांनी सादर केला होता. त्यांच्या या प्रयत्नामुळे बेगमपुरा-पहाडसिंगपुरा या प्रभागास तीर्थक्षेत्राचा दर्जा मंजूर झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.