औरंगाबाद : सहा महिन्याच्या बाळाचे कुणीतरी शिर कापून फेकल्याचा भयंकर प्रकार शहरात उघडकीस आला आहे. हे शिर कुत्रा जबड्यात उचलून पळत असताना नागरिकांनी हा प्रकार पाहिला आणि त्यांना धडकीच भरली.
शहरातील राजाबाजार परिसरातील कवठीच्या वाड्याजवळ बुधवारी (ता. २९) सकाळी ६ वाजता हा प्रकार उघडकीस आला. कुत्रा हे शिर जबड्यात पकडून पळत असताना नागरिकांनी पाहिले. जवळच्याच एका सुरक्षारक्षकाने हा प्रकार पाहिला आणि आरडाओरड सुरू केली, तेव्हा कुत्रा ते तिथेच टाकून पळून गेला.
या बाळाची कुणीतरी अत्यंत क्रूरपणे हत्या केल्याचे प्रथमदर्शनी उघडकीस आले आहे. सुरक्षारक्षकाने महापालिकेच्या सफाई कर्मचाऱ्याला ही माहिती देताच त्यांनी पोलिसांना कळवले. सिटीचौक पोलिसांनी धाव घेऊन ते मुंडके ताब्यात घेतले. पण बाळाचे धड काही सापडलेले नाही. पोलिसांनी या घटनेचा कसून तपास सुरू केला आहे.
कुणीतरी धारदार शस्त्राने ते शिर धडावेगळे केल्याचे प्रथमदर्शनी दिसत असून, पहाटेच कुणीतरी ते कवठीच्या वाड्याजवळ आणून टाकले असावे, असे नागरिक सांगत आहेत. पोलिसांनी तात्काळ पंचनामा करून हे शिर ताब्यात घेऊन ते स्त्री जातीचे आहे की पुरुष जातीचे याच्या तपासणीसाठी पाठवण्यात येत आहे.
हा गुप्तधनासाठीच्या नरबळीचा प्रकार आहे, की आणखी काही याचा तपास पोलिस करत आहेत. या भागातील महापालिकेचे सफाई कर्मचारी सतीष मगरे यांनी या प्रकरणी फिर्याद दाखल केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.