औरंगाबाद : अजबनगर-कैलासनगरची व्याप्ती प्रचंड मोठी आहे. लोकसंख्या कमी असली तरी परिसीमा मोठी आहे. त्यामुळे अनेक भागांत विकासकामे होत नसल्याची ओरड या वॉर्डात केली जाते. अजबनगर - कैलासनगर या वॉर्डात अजबनगर, गौतमनगर, श्रीनिकेतन कॉलनी, रोकडा हनुमान कॉलनी, मोंढा नाका भागश:, कैलासनगर, संत एकनाथ कॉलनी या भागांचा समावेश आहे. 

अशी आहे रचना 

उत्तर दिशेला : सिल्लेखाना ते लक्ष्मण सावली रस्त्यावरील जोशी मंगल केंद्र ते शिवाजी हायस्कूलमार्गे कैलासनगर स्मशानभूमीपर्यंत. 
पूर्व दिशेला : श्री हनुमान मंदिर, कैलासनगर स्मशानभूमी ते साई रेसिडेन्सीमार्गे शर्मा पॅथॉलॉजी, रायगड बंगला ते गणपती मंदिर ते श्रीकृष्ण हॉस्पिटलपासून जालना रोडवरील आकाशवाणीसमोरील संत एकनाथ हाऊसिंग सोसायटीमधील भूखंड क्रमांक एकपर्यंत. 
दक्षिण दिशेला : आकाशवाणीसमोरील श्री संत एकनाथ सोसायटीमधील भूखंड क्रमांक एकपासून मोंढा नाकामार्गे क्रांती चौकपर्यंत. 
पश्चिम दिशेला : क्रांती चौक ते पैठण गेट ३० मीटर रुंद रस्तामार्गे, अजबनगर येथील कमानीपासून जोशी मंगल केंद्रापर्यंत. 

हेही वाचा - शेतकरी म्हणतो, साहेब मी जिवंत....अधिकारी म्हणतात मेला  

असा आहे वॉर्ड 

लोकसंख्या : ९६८२ 
अनुसूचित जाती : १६९२ 
अनुसूचित जमाती : ५० 

हेही वाचा - तुमचा विवाह कधी झालाय...बघा जमतेय का काही...  

अजबनगर-कैलासनगर वॉर्डात गौतमनगरचा समावेश आहे. दलित समाजाची ही वसाहत असल्याने, या वसाहतीच्या विकासकामांकडे जाणिवपूर्वक दुर्लक्ष केले जाते आहे. अन्य वॉर्डाचा जसा विकास झाला, तसाच गौतमनगर या भागातही विकास करावा. 
- सचिन नरवडे 

गौतमनगरचा अजबनगर-कैलासनगर वॉर्डात समावेश आहे. मात्र, विकासकामे करण्यात आली नाहीत. नगरसेवक वॉर्डात फिरकतच नाहीत. गौतमनगर या भागात पाइपलाइन जुनाट झाली असल्याने पाणी येत नाही. महिलांना त्रास सहन करावा लागत आहे. 
- रत्नमालाबाई धीवर