औरंगाबाद - कोरोनाशी लढा देण्यासाठी जिल्हा परिषद प्रशासनाने कंबर कसली आहे. आरोग्य विभागातील रिक्त पदांमुळे कोरोनाच्या प्रतिबंधासाठी अडचणी येऊ नयेत यासाठी कोविड-१९ आजाराच्या अनुषंगाने जिल्हा परिषदेकडून ५२७ कंत्राटी पदे भरली जाणार आहेत. वेगवेगळ्या पदांसाठी थेट मुलाखती होणार आहेत. 

प्राथमिक आरोग्य केंद्र स्तर, सामान्य रुग्णालयस्तर व उपजिल्हा आणि ग्रामीण रुग्णालयात ही पदे भरली जाणार आहेत. ही सर्व पदे कंत्राटी स्वरूपाची असून, कोरोना विषाणूंचा प्रादुर्भाव रोखण्यासाठी आहे व कोरोना साथ संपेपर्यंत किंवा नियुक्ती प्राधिकारी ठरवतील तोपर्यंत सदर नियुक्ती अस्तित्वात राहतील. अपेक्षित शैक्षणिक अर्हता, अनुभव व इतर अटी व शर्तींविषयी सविस्तर जाहिरात प्रकाशित करण्यात आली आहे. 

औरंगाबादच्या इतर बातम्या वाचण्यासाठी - क्लिक करा
विविध पदांसाठीची सविस्तर माहिती http://www.aurangabadzp.gov.in या संकेतस्थळावर पाहायला मिळेल. थेट मुलाखती एक एप्रिल ते आठ एप्रिल या कालावधीत शासकीय सुट्या वगळून सकाळी ११ ते दुपारी तीन या वेळात होणार आहेत. या थेट मुलाखती जिल्हा परिषद औरंगाबाद मुख्य कार्यकारी अधिकारी यांच्या दालनात होणार आहेत. 

मराठवाड्याच्या इतर बातम्या वाचण्यासाठी - क्लिक करा

इच्छुक उमेदवारांनी दिनांक एक एप्रिलला थेट मुलाखतीसाठी आरोग्य विभाग जिल्हा परिषद औरंगाबाद कार्यालयात सर्व शैक्षणिक कागदपत्रांसह उपस्थित राहण्याचे आवाहन जिल्हा परिषद प्रशासनातर्फे करण्यात आले आहे. 

महाराष्ट्रातील इतर बातम्या बाचण्यासाठी - क्लिक करा
 
कंत्राटी तत्त्वावर भरावयाची पदे 
 

• वैद्यकीय अधिकारी -१७०
• आरोग्यसेवक महिला- १८७ 
• आरोग्यसेवक पुरुष- ६० 
• स्टाफ नर्स- ११० 
•  
•