औरंगाबाद : कर्जाच्या हप्त्यासंबंधी पंतप्रधान व आरबीआयने निर्देश दिलेले असतानाही अनेक फायनान्स कंपन्या कर्ज वसूल करीत आहेत. अशा कंपन्यांवर व बॅंकांवर कारवाई करावी, अशी मागणी भारतीय कम्युनिस्ट पक्षाने जिल्हाधिकाऱ्यांकडे निवेदनाद्वारे केली आहे. 

निवेदनात म्हटले, की कोरोनाच्या पार्श्वभूमीवर अनेकांचे रोजगार गेले आहेत. काहींना दोन-दोन महिन्यांचे वेतन मिळालेले नाही. त्यामुळे देशाचे पंतप्रधान यांनी २२ मार्चला गृहकर्जासह सर्व कर्जांचे हप्ते भरण्यास तीन महिने सूट दिली होती. त्यानंतर आरबीआयचे गव्हर्नर यांनीदेखील कर्जाच्या हप्त्यांना तीन महिने सूट दिली. २३ मे रोजी तशाप्रकारचे आदेश काढून सर्व बॅंक व फायनान्स कंपन्यांना निर्देश दिले होते.

औरंगाबादच्या इतर बातम्या वाचण्यासाठी - क्लिक करा

असे असतानाही औरंगाबाद शहरासह जिल्ह्यात सर्वत्र फायनान्स कंपन्यांनी निर्णयाची अंमलबजावणी न करता, कर्ज भरण्यासाठी तगादा लावला जात आहे. काहींच्या बॅंक खात्यावर जमा असलेल्या पैशांतून वसुली करण्यात येत आहे. काहींच्या खात्यातून दंड वसूल केला जात असल्याचे निवेदनात नमूद करण्यात आले आहे. कोरोनामुळे सर्वच लोक त्रस्त आहेत.

मराठवाड्याच्या इतर बातम्या वाचण्यासाठी - क्लिक करा

महाराष्ट्रातील इतर बातम्या बाचण्यासाठी - क्लिक करा

अशा परिस्थितीत कसे जगावे, असा प्रश्न निर्माण होत आहे. त्यामुळे अशा फायनान्स कंपन्या व बॅंकांवर कारवाई करावी; अन्यथा तीव्र आंदोलन छेडण्यात येईल, असा इशारा भाकपने दिला आहे. यावेळी भाकपचे राज्य कार्यकारिणी सदस्य अॅड. अभय टाकसाळ, तारा बनसोडे, कैलास कांबळे, गणेश कसबे, अशोक जाधव, बाबूराव पठाडे, मधुकर खिल्लारे, वसुधा कल्याणकर, प्रकाश बनसोडे यांची उपस्थिती होती.