औरंगाबाद : महाविकास आघाडीतील अल्पसंख्याक मंत्री तथा राष्ट्रवादी काँग्रेस पक्षाचे नेते नवाब मलिक यांना बुधवारी (ता.२३) सक्तवसुली संचालनालयाने (ईडी) अटक केली. त्यानंतर न्यायालयाने त्यांना तीन मार्चपर्यंत ईडीची कोठडी सुनावली आहे. भारतीय जनता पक्षाच्या वतीने आज गुरुवारी (ता.२४) औरंगाबाद (Aurangabad) येथील जिल्हाधिकारी कार्यालयासमोर मंत्री मलिक यांच्या राजीनाम्यासाठी आंदोलन करण्यात आले. यावेळी राष्ट्रद्रोही नवाब मलिक (Nawab Malik) मुर्दाबाद यासारख्या घोषणा देण्यात आल्या. तसेच दहशतवादी दाऊदचा हस्तक नवाब मलिक राजीनामा द्या, असं बॅनर पक्षा पदाधिकाऱ्यांनी झळकवले.(BJP Agitation In Aurangabad For Nawab Malik Resignation)

या आंदोलनात आमदार अतुल सावे, विजय औताडे, अनिल मकरिये, समीर राजूरकर, शिवाजी दांडगे, नितीन चित्ते यांच्यासह भाजप (BJP) महिला पदाधिकारी सहभागी झाल्या होत्या.