औरंगाबाद : कोरोना  विषाणूमुळे (कोव्हिड १९) निर्माण झालेल्या वैश्‍विक महामारीचा प्रादुर्भाव जगभर होत आहे. संसर्ग रोखण्यासाठी भारत सरकार आणि महाराष्ट्र सरकार युद्ध पातळीवर प्रयत्न करीत आहे. त्यांच्या प्रयत्नात छत्रपती शाहू महाराज शिक्षण संस्थेने (सीएसएमएस) हातभार लावला आहे.

पंतप्रधान नरेंद्र मोदी आणि मुख्यमंत्री उध्दव ठाकरे यांच्या आवाहनानुसार सामाजिक बांधिलकीची जाणीव ठेवत मदतीचा हात दिला आहे. सीएसएमएसकडून मुख्यमंत्री सहाय्यता निधीस एकवीस लाख रुपये तसेच, पंतप्रधान सहाय्यता निधीस दोन लाख रुपयांचा मदतनिधी जमा केला आहे.

हेही वाचा : थेट कोरोना बाधितांच्या वाॅर्डातुन, असा आहे रुग्णांचा दिनक्रम

छत्रपती शाहू महाराज शिक्षण संस्था संचलित आयुर्वेद रुग्णालय आणि महाविद्यालय, दंत रुग्णालय आणि महाविद्यालय, कृषी महाविद्यालय, तंत्रनिकेतन महाविद्यालय आणि शाहू अभियांत्रिकी महाविद्यालयातील सर्व शिक्षकांनी दोन दिवसांचे आणि शिक्षकेतर कर्मचाऱ्यांनी एक दिवसाचे वेतन जमा करून दिले.

हेही वाचा : पद्धतशीर दृष्टीकोन ठेऊन लाॅकडाऊन उठवु शकतो - उद्योजक सुनील किर्दक

व्यवस्थापनातर्फे संस्थेचे सचिव पद्माकरराव मुळे यांनीही तेवढीच रक्कम या मदतनिधीस जमा केली आहे. संस्थेचे अध्यक्ष रणजित मुळे, विश्वस्त समीर मुळे यांच्या मार्गदर्शनात मदतनिधी जमा करण्यात आला आहे.

औरंगाबादच्या इतर बातम्या वाचण्यासाठी - क्लिक करा

मराठवाड्याच्या इतर बातम्या वाचण्यासाठी - क्लिक करा

महाराष्ट्रातील इतर बातम्या बाचण्यासाठी - क्लिक करा