महालगाव (जि.औरंगाबाद) : रामकृष्ण उपसा सिंचन योजना सुरु कारावी व शेतकर्‍यांच्या सातबारावरील कर्जमाफ करावे यासह विविध मागण्यांसाठी वैजापूर-गंगापूर रस्त्यावरील भगुर फाटा (ता.वैजापूर) येथे तालुक्यातील (Vaijapur) १४ गावांच्या शेतकर्‍यांनी (Farmer) रास्ता रोको आंदोलन आज बुधवारी (ता.१३) केले. रास्ता रोको आंदोलनात रस्त्याच्या दोन्ही बाजूंने वाहनांच्या रांगा लागल्या होत्या. यामुळे वाहतुकीस खोळंबा झाला होता. यावेळी तहसीदार यांनी या प्रश्नी शासनस्तरावर वरिष्ठांना (Aurangabad) कळवुन मार्गी लावू असे आश्वासन दिले. त्यानंतर निवेदन देऊन रास्ता रोको आंदोलन मागे घेण्यात आले.

30 ऑक्टोबरपर्यंत निर्णय घेतला नाही तर आंदोलन तीव्र करुन जिल्हा बॅंकेला टाळे ठोकुन आत्मदहनाचा इशारा या वेळी आंदोलकांनी दिला आहे.