औरंगाबाद : कम्युनिटी पोलिसींग अंतर्गत ‘माझे शहर माझी जबाबदारी' विषयावर पोलिस आयुक्त डॉ. निखिल गुप्ता यांनी शनिवारी (ता. २४) शहरातील मान्यवरांच्या उपस्थितीत बैठक घेतली. पोलिस विभागाशी संबंधित अडचणी, सूचना असतील तर नागरीकांनी थेट आपल्याशी संपर्क करावा असे त्यांनी आवाहन केले.

पोलिस आयुक्तालयात शनिवारी (ता. २४) झालेल्या बैठकीत नशेच्या आहारी गेलेल्या तरुणांना व्यसनमुक्त करण्यासाठी अभियान राबवण्यासाठी उपाययोजना, वाहतुकीसंबंधी व सर्वसामान्यांना पोलिस स्टेशनस्तरावर येणाऱ्या अडचणींचे निराकरण करणे, सामाजिक एकोपा, गुंडागर्दी आणि गुन्हेगारीवर नियंत्रण ठेवणे, व्यापाऱ्यांचे प्रश्‍न, औद्योगिक आणि सामाजिक विकास आदी विषयांबाबत बैठकीत चर्चा करण्यात आली.

पावणेदहा लाखांच्या वायरचे २० बंडलची चोरी, वाळूज औद्योगिक वसाहतीमधील घटना

नागरिकांनी सुचवलेल्या उपाययोजनांचा अवलंब करून स्वच्छ प्रतिमा असलेल्या नागरिकांचा कम्युनिटी पोलिसिंग मध्ये सहभाग वाढवून कामाचा दर्जा उंचावण्यात येईल असे पोलिस आयुक्तांनी सांगितले. बैठकीला सहाय्यक पोलीस आयुक्त अशोक बनकर, ऑल इंडिया पयाम ए इन्सानियत फोरमचे अध्यक्ष जुनैद फारूखी, जसवंतसिंग, खडकसिंग, नागनाथ काळे, राजू महाराज, डॉ. अफजल माजेद, डॉ. अफजल नूर, डॉ. सतीश ढगे, सुषमा शहा, ॲड. सपकाळ आदी मान्यवर उपस्थित होते.
 

संपादन - गणेश पिटेकर