औरंगाबाद : दानवे साहेब तुम्ही देशाचे रेल्वेमंत्री आहात की जालन्याचे, असा टोला औरंगाबादचे खासदार इम्तियाज जलील यांनी केंद्रीय रेल्वे राज्यमंत्री रावसाहेब दानवे (Raosaheb Danve) यांना लगावला आहे. औरंगाबाद येथील जिल्हाधिकारी कार्यालयात जिल्हा नियोजन समितीची बैठक आज सोमवारी (ता.तीन) पार पडली. त्यानंतर ते प्रसारमाध्यमांशी बोलत होते. जलील पुढे म्हणाले, औरंगाबाद (Aurangabad) येथे होणारे रेल्वे पीटलाईन दानवे यांनी जालन्याला नेले आहे. आगामी काळात खासदारकीची निवडणूक न लढवता महानगरपालिका अथवा नगरपरिषदेची लढवावी असा सल्ला जलील यांनी केंद्रीय राज्यमंत्री दानवेंना दिला आहे.(Imtiaz Jaleel Criticize Raosaheb Danve Over Railway Pit Line In Aurangabad)

ड्रायपोर्ट असूनही पीटलाईन जालन्याला घेऊन गेले आहे. हे चुकीचे आहे. त्यांना राज्यात दिवसेंदिवस वाढत चाललेल्या ओमिक्राॅन रुग्णांमुळे राज्याचे उपमुख्यमंत्री अजित पवार असो किंवा आरोग्यमंत्री लाॅकडाऊनचे संकेत देत आहेत. त्यावर बोलताना इम्तियाज जलील (Imtiaz Jaleel) म्हणाले, आम्ही कोणत्याही प्रकारच्या लाॅकडाऊनचे समर्थन करित नाही. राष्ट्रवादी काँग्रेस पक्ष आणि शिवसेनेने औरंगाबादेतील आंतरराष्ट्रीय क्रीडा विद्यापीठ पुण्याला पळविले आहे, असा आरोप त्यांनी केला आहे.