औरंगाबाद : मदत व पुनर्वसनमंत्री विजय वडेट्टीवार यांनी मराठा आरक्षण उपसमिती सदस्यपदाचा राजीनामा द्यावा अशी मागणी मराठा क्रांती ठोक मोर्चातर्फे करण्यात आली आहे. मंगळवारी (ता.तीन) मराठा क्रांती ठोक मोर्चाच्या वतीने वडेट्टीवार यांच्या मुंबईतील घरावर मोर्चा काढुन त्यांना जाब विचारणार आहे, असेही मराठा क्रांती मोर्चाचे समन्वयक रमेश केरे पाटील यांनी सांगितले.
वडेट्टीवार हे ओबीसी व मराठा समाजात भांडण लावून राजकारण करत आहेत. दोन समाजात वाद निर्माण करून जातीय दंगली घडवण्याचा प्रयत्न करत आहेत. मराठा आरक्षणाचा प्रश्न जोपर्यंत मार्गी लागत नाही तोपर्यंत मराठा क्रांती ठोक मोर्चा एकही सरकारी नोकर भरती व परीक्षा होऊ देणार नाही. मराठ्यांना ओबीसीतून आरक्षण नकोय कुठल्याही आरक्षणाला धक्का न लावता मराठा समाजाला स्वतंत्र आरक्षण हवे आहेत.
वडेट्टीवार हे जर मराठा समाजाच्या विरोधात बेताल वक्तव्य करत असतील तर त्यांचा आम्ही जाहीर निषेध करतो. वडेट्टीवार जर आंदोलने-मोर्चे काढू अस म्हणत असतील तर ते महाराष्ट्राचे मंत्री आहेत. फक्त ओबीसी समाजाचे नव्हे याचही त्यांनी भान ठेवायला हवेत असेही रमेश केरे पाटील यांनी सांगितले.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.