वाळूज (जि.औरंगाबाद) : दसरा, दिवाळी या सणानिमित्त झेंडूच्या फुलांना मोठी मागणी असते. हिच मागणी लक्षात घेत वाळूज परिसरातील शेतकरी व व्यापाऱ्यांनी झेंडूची फुले विक्रीसाठी आणल्याने बाजारपेठ सजली आहे. बजाजनगर परिसरात झेंडूच्या फुलांना सरासरी ४० ते ५० रुपये किलो भाव मिळत (Dasara Festival) आहे. वाळूज औद्योगिक वसाहतीतील (Waluj Midc) बजाजनगर, रांजणगांव (शेणपुंजी) वाळूज, पंढरपूर या परिसरातील चौकाचौकात झेंडूची फुले विक्री करणारे दुकाने थाटली आहे. केवळ (Auranabad) परिसरातीलच नव्हे, तर हिंगोली, वाशिम, जिंतूरसह मराठवाड्यातून वाळूज परिसरात झेंडूची विक्री करण्यासाठी शेतकरी व व्यापारी येतात.

शुक्रवारी (ता.१५) दसरा सण असल्याने वाळूज परिसरात मोठ्या संख्येने झेंडूचे फुले विक्रीसाठी आलेली आहे. त्यामुळे येथील चौक झेंडूच्या फुलांनी सजले आहेत.