औरंगाबाद : महावितरणमध्ये विनंती बदल्या कराव्यात, अनिवार्य रिक्त पदाची संकल्पना रद्द करावी या मागण्यांसाठी प्रचंड असंतोष निर्माण झाला आहे. या विरोधात सबॉर्डीनेट इंजिनियर्स असोसिएशनने आंदोलन छेडण्याचा इशारा दिला आहे. 

मराठवाड्यातील अन्य बातम्या वाचण्यासाठी यावर क्लिक करा..!

राज्यभरात कोविड-१९ सारख्या महामारीने अक्षरशः थैमान घातलेले आहे. या कठीण परिस्थितीमध्ये सर्व अभियंते कर्मचारी अखंडितपणे वीजपुरवठा करण्याचे काम करीत आहेत. अशा काळात काही अभियंते तर कर्तव्य बजावत असतांना कोरोन ग्रस्त झाले असून ,काही अभियंत्यांचा दुर्दैवीरित्या कोविड मुळे अंत झाला आहे. अशी आणीबाणीची परिस्थिती असतांना सुद्धा सर्व अभियंते व एस ई ए संघटना प्रशासनास प्रत्येक गोष्टीत सर्वोतोपरी सहकार्य करीत आहेत. 

औरंगाबाद जिल्ह्यातील महत्त्वाच्या बातम्या वाचण्यासाठी येथे क्लिक करा.

मात्र महावितरण प्रशासन अभियंत्यांच्या प्रश्नांबाबत कमालीचे उदासीन असून त्यामुळे अभियंत्यांचे प्रचंड नाराजी आहे. शासनाच्या आदेशानुसार १५ टक्के बदल्यांचे परिपत्रक काढल्यानंतरही महावितरणने कनिष्ठ अभियंते व सहाय्यक अभियंत्यांच्या बदल्या केल्या नाहीत. उलट अनिवार्य रिक्त पदे रिक्त ठेवण्याची अफलातून संकल्पना राबवली आहे. त्यामुळे रोष निर्माण झाला असून, या विरोधात असोसिएशन राज्यव्यापी आंदोलनाच्या पवित्र्यात असल्याची माहिती मराठवाड्याचे प्रादेशिक सचिव अविनाश चव्हाण यांनी दिली.

देशभरातील महत्त्वाच्या बातम्या वाचण्यासाठी येथे क्लिक करा.

(संपादन-प्रताप अवचार)