औरंगाबाद : "सीएमआयए' या उद्योजक संघटनेच्या वतीने सुरू करण्यात आलेल्या "मॅजिक' या ग्रोथ इन्क्‍युबेशन सेंटरला केंद्र शासनाने "होस्ट इन्स्टिट्यूट'असा दर्जा बहाल केला आहे. यामुळे आता मराठवाड्यातील तरुण उद्योजकांना स्वतःचे स्टार्टअप्स सुरू करणे सहज शक्‍य होणार आहे. तरुणांनी सुचवलेल्या उद्योजकीय नवकल्पना केंद्र सरकारला आवडल्या तर 15 लाख रुपयांपर्यंतचे अनुदान सरकार देणार आहे. 

"मराठवाडा एक्‍सलरेशन फॉर ग्रोथ ऍण्ड इन्क्‍युबेशन' (मॅजिक) ही सीएमआयएच्या अखत्यारीत "ना नफा' तत्त्वावर सुरू झालेली कंपनी आहे. मराठवाड्यातील हुशार, होतकरू व उद्योजक होऊ इच्छिणाऱ्या तरुणांसाठी स्थापन करण्यात आली. मॅजिक ही देशातील अशी एक संस्था आहे जी देशात एखाद्या उद्योजक संघटनेने प्रथमच सुरू केली आहे. 
हेही वाचा :53 आमदार,खासदारांना पाणी प्रश्‍नावरील बैठकीचे वावडे (वाचा कोण आहेत ते)...  
पाच स्टार्टअप उभारणीस मदत 

आजवर मॅजिकच्या मदतीने पाच स्टार्टअप यशस्वीपणे सुरू करण्यास तरुण उद्योजकांना साहाय्य झाले आहे. आगामी काळात आणखी दहा स्टार्टअप्सना असे मार्गदर्शन केले जाणार आहे. यात उद्योग सुरू करण्यासाठी वित्तीय मदत कुठे मिळेल या मार्गदर्शनासह, तो सुरू झाल्यावरही योग्य दिशा आणि मार्गदर्शन देण्यात येते. तुम्ही निवडलेल्या उत्पादनाचे डिझाईन, तज्ज्ञांचे मार्गदर्शन दिले जाते. 

हेही वाचा :सत्तेतल्या नेत्यांनो, वायफळ बडबड करू नका  

मॅजिकला मार्गदर्शकाचा दर्जा 

केंद्र सरकारने मॅजिकला मार्गदर्शकाचा दर्जा दिला असून, इन्क्‍युबेटर योजनेत होस्ट इन्क्‍युबेटर (एचआय)आणि बिझनेस इन्क्‍युबेटर (बी.आय.) असा दर्जा मिळवणाऱ्या देशातील मोजक्‍या संस्थांपैकी मॅजिक एक ठरली आहे. संशोधन प्रणालीवर आधारित मध्यम, लघू व सूक्ष्म उद्योजक घडवणे हे या कार्यक्रमाचे उद्दिष्ट आहे. 

हेही वाचा :अन्‌ आमदार प्रशांत बंब म्हणाले, कोण चिखलीकर....   
15 लाखांपर्यंत अनुदान 

होस्ट इन्स्टिट्यूट योजनेअंतर्गत केंद्र सरकारच्या वतीने 15 लाखांपर्यंतचे अनुदान दिले जाईल. यात मॅजिकने पाठवलेले प्रस्ताव एमएसएमई मंत्रालय तपासून अनुदानाला मंजुरी देईल. हे अनुदान विद्यार्थ्याला 100 टक्के, तर एमएसएमई उद्योगाला प्रकल्पाच्या 85 टक्के दिले जाईल. प्रकल्प निवड होताच दोन टप्प्यात हे अनुदान वितरित केले जाईल. "न्यू इंडिया' या संकल्पनेवर आधारित नव्या स्टार्टअप्सकडून व्यवसायाच्या नवकल्पनांचे स्वागत आहे. यासाठी विनायक जोशी, डेप्युटी सेक्रेटरी जनरल, सीएमआयए, बजाज भवन रेल्वेस्टेशन रोड औरंगाबाद : अथवा 
Contact@magicaurangabad.com यावर संपर्क साधावा, असे आवाहन सीएमआयएच्या वतीने करण्यात आले आहे.