औरंगाबाद : हातात तलवार, जांबिया घेऊन बेधुंद नाचणाऱ्या नवरदेवासह सहा मित्रांना पोलिसांनी बेड्या ठोकल्या आहेत. ही घटना औरंगाबाद (Aurangabad) येथील पुंडलिकनगर भागात घडली आहे. या सर्वांना न्यायालयात हजर केले असता त्यांना एक दिवसाची कोठडी सुनावण्यात आली आहे. नवरदेव बिभीषण शिंदे (वय २१), यश साखरे (१९), शेख बादशाह (२२), शुभम मोरे (२२), किरण रोकडे (सर्व रा.रेणुकानगर) आणि आणि वसीम शेख (२०, रा.लतीफनगर) असे आरोपींचे नावे आहेत. पोलिसांनी दिलेल्या माहितीनुसार, २६ जानेवारी रोजी बिभीषण शिंदे याचा हळदीचा कार्यक्रम होता. तलवार हातात उंच धरत बेधुंदपणे नवरदेवासह मित्र नाचू लागले.(Newly Married Man Arrested Along With Six Friends In Aurangabad)

या हुलडबाजीचा व्हिडिओ चित्रित करण्यात आला. त्यानंतर तो सोशल मीडियावर (Social Media) व्हायरल करण्यात आला. या व्हिडिओ वरुन पोलिसांनी कारवाई केली. लग्नाच्या तिसऱ्या दिवशी नवरदेवाला तुरुंगात जावे लागले आहे.पुंडलिकनगर पोलिस ठाण्याचे पोलिस निरीक्षक दिलीप गांगुर्डे, सहायक पोलिस निरक्षक शेषराव खटाणे यांच्या पथकाने संबंधितांना अटक केले आहे.